✔ 最佳答案
我依家都係0係trading公司度做野~我之前都無讀過/住修過任過有關trading既課程架,所以無經驗並唔代表一定見唔成工。
首先,你點都要提及你有工作經驗(唔一定要係同trading有關)。即使係兼職都要提及,點都有d幫助架。
如果打電話去求職的話,而你又覺得d公司一聽到你係內地大學畢業就將你拒諸門外。咁下次你打電話去求職時,不妨試下唔好提係0係內地大學畢業(即只提及是大學畢業),等你有機會去interview時先提及都唔遲,最主要係先要爭取到面試既機會。因為面試時你可以同佢講返雖然你係0係內地大學畢業,但你所學到既其實都係有所幫助。
當然,interview時你要表現出有自信既一面,俾人家覺得即使你無trading工作經驗,但有信心能夠應付得來,並且要提及希望人家俾個機會你,你會好俾心機去學習。
最後,你0係面試前最好做定資料搜集,最好先要知道間公司係從事邊類形既貿易,因為唔同類別既貿易所需要既野都唔同 (特別係shipment方面既文件上會有分別)。另外,若果知道間公司係以邊d國家既客人為主,好讓你0係面試時可以令人家覺得你真係能力勝任。
希望你能夠早日搵到工做啦。