旅行社領隊入來....please

1. 做領隊當然可以到外國旅行啦！不過除了領隊外，船員，空姐，新聞記者，甚至時裝買手都有機會到外國工作之餘，順便遊毦一下啦！我有朋友讀機構工程的，入了間跨國公司，就要四處去工幹，同佢講旅行佢都怕啦，放假寧願在香港過！
2. 性格內向不是問題，因為工作會令你改變，變得成熟及懂與人相處，而且如果做領隊的，一般只負責照顧團友往返旅遊目的地，包括乘搭交通工具及托運行李等，而帶團友觀光及講解的工作，一般都是當地導遊做的，做領隊就只需全咎陪坐！我試過跟團去越南，個領隊是剛入行的，怕怕羞羞，全程只坐車陪坐，不發一言，由導遊負責晒全程節目，都一樣得。不過做領隊就要抵得被人玩，特別是女仔，因為團中實有些賤男人專撩女領隊，我那次越南團，就是因為女領隊怕羞唔出聲，有個賤團友就撩足佢全程，所以越怕羞就越難做啦！
3.做領隊要考領隊牌：
「外遊領隊是旅行團組團商派出的隨團人員，負責沿途照顧團員。為了提高外遊團領隊的專業水平，議會理事會規定由1999年7月1日起，所有旅行團領隊必須通過考試，領取證書及「領隊證」(前稱「合資格領隊證」)，然後才可以擔任帶團外出的工作。所有合資格領隊的資料都載於「外遊領隊名冊」內，方便旅行社和公眾查閱。」
而考牌就要讀完香港旅遊業議會舉辦的「外遊領隊証書課程」
**有意考取「領隊證」的人士，必須修讀由議會開辦的「外遊領隊證書課程」。
課程內容：
第一部份

出色領隊的條件
領隊的角色及職責
有效的帶團技巧
第二部份


領隊出入境須知
旅行團意外緊急援助基金計劃及印花費須知
一般旅遊保險須知
危機處理的基本原則及技巧
突發事件的處理
個案研究 / 小組討論
角色扮演練習
第三部份


急救講座
健康旅遊者講座

詳情睇網頁啦：http://www.tichk.org/public/website/b5/course/outbound_escort/index.html

不過課程幾易讀，只要上課唔遲到，基本上都會合格。而做領隊，因為要出外，外語當然要懂啦！如果你想做歐洲團，就要學好英語同法語，做日本團就當然要學日文啦！另外一點地理同歷史知識都要啦，如果連歐洲同亞洲都攪錯，就唔駛做啦！
P.S.本人未做過領隊，不過以前有想過做領隊，順便去外國旅行，不過自從讀完導遊課程之後，就有唔同想法 。首先是做導遊同領隊，都是工作，寓工作於娛樂固然好，不過如果是外遊，仍然帶著工作的心情去，就有點剎風景啦！
而且最重要的是，不是你想去那就有得去！我有同學入行做領隊（因為同時考了領隊及導遊牌，所以轉了做領隊），入職首年都是沒有團可帶的，要在分行做人客報名的工作，而且待遇好低。要做足一年，睇表現才有機會試帶團，而帶的團都不是你選的，由公司派。而且做開那一國團，就只有做那一國的團，好少會轉。即是派了你帶團去日本，就一直都是去日本，無咩機會會轉去其他地方！所以就要不停咁去同一批景點玩，就算迪士尼幾好玩，要你一年去十多二十次，你會覺好玩嗎？所以以為做領隊可以周遊列國，no way！來來去去都是去一個地區工作，死未？
所以讀完導遊課程後，就沒有心入行，都是儲錢去旅行好過！因為就算跟團，都是客人身份，不同做工作性質去旅行，心情點都不同！

其實除左領隊，空姐同做marketing既人都有機會去外國
或者間公司個base唔係喺香港既都會嫁
其實好多行都會有機會去外國
視乎返你係咩公司同咩post既啫

令外領隊其實唔係真係去下外國
帶住團人、分下房、分下台食飯咁簡單
責任其實都好大
另外，都要應變力強、同埋處理好多突發既事件

其實要個人外向開朗、溝通能力強比較有優勢
如果有學讀Tourism既會好d

如果想令個人外向同溝通能力好d
你可以而家去做下d part-time先
e.g. 做下sales、做下promoter或者做下exhibition既staff
咁都對改善li方面既能力有幫助嫁