我想替兒子選擇海外升學的資料

其實價錢真係好睇你/你仔仔想去邊個國家

我自己係澳洲讀書 ge
覺得中學讀寄宿學校好 d 囉
讀寄宿學校 d 同學仔通常高分 d ，可能專心 d 啦
因為民宿有可能離學校比較遠，日日來回
自然比由學校行幾步就番到宿舍 ge 同學仔更累
始終舟車勞頓，又唔熟路，外國d巴士/火車班次又好疏
其實如果無私家車又唔住好近學校係好辛苦 ga
所以建議宿舍/寄宿學校

我自己覺得近鄉村無錯係會少 d 誘惑
悶 d 所以會局住讀書專心 d
但係其實近鄉村都幾慘
買日用品唔方便啦，出街食野可能要搭好耐車先有
仲要好早好早關門，唔好講自己一個病左想去睇醫生要搭幾耐車啦
而且鄉村地方 d 鬼佬講野好重口音，
即係我地所講 ge 鄉下音，會俾人笑架
如果一開始講英文就接觸唔好聽 ge 口音
學壞左都幾難改

當然如果近 city 就多野玩囉，可能會易學壞
始終無屋企人係身邊，朋友就大哂架啦
但係要乜就有乜，方便囉
我會住近投 city 一票

通常民宿係澳洲近 city 大約係 hk$ 1000 一個禮拜包食住 internet 電話

而你去果個國家應該會有政府機構免費提供資料俾留學生架
例如澳洲就有 IDP 係灣仔
http://www.idp.com/hongkong/

多數人想住民宿，都會交俾學校搞
學校會查清楚先俾你入去住囉
你可以問下你心儀 ge 學校有無呢個服務

希望我呢少少資料幫到你