熊仔鼠D毛無曬是不是有病?幫下手la

甩晒毛多數就係皮膚病or皮膚敏感,又或會唔會有打交問題呢?

A.有幾樣野需要留意:
1)會唔會轉左木糠or用有味木糠?
咁係易令鼠鼠皮膚敏感
2)鼠鼠會唔會有血尿?
膀胱or腎有問題都會有血尿,而尿會有真菌,真菌係會令鼠鼠大量甩毛
3)籠會唔會好污糟?
環境唔衛生係好易令鼠鼠有皮膚病既
4)食物or草會唔會有寄生虫?
夏天食物較易出現問題,有時有小昆虫都唔係咁易睇到,所以要檢查同留意食物同草之中會唔會有問題,買既時候都要小心
5)隻鼠本身有冇其他疾病?
患病既鼠身體既抵抗力會較差,較易有皮膚病
6)鼠鼠會唔會受驚?
受驚既鼠都係易有甩毛既情況
7)鼠鼠會唔會有外傷?

B.甩晒毛既情況比較嚴重,最好可以帶佢睇醫生啦,睇醫生既話可以考慮一下:
愛護動物協會診所資料:
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

C.如果唔會睇醫生or未睇住既話,可以試下做以下既事:(睇醫生都要留意以下1,2,5點)
1)有第隻鼠既話要分籠
2)有皮膚病就要保持個籠乾爽清潔
3)如果隻鼠冇外傷既話,可以同鼠鼠每日用藥性沖涼粉沖涼,之後噴/搽藥皮膚病既藥水,藥水應該好多有賣鼠用品既地方都會有,買既時候記得睇下有效日期.
藥水噴落傷口既時候,鼠鼠既反應會好大,我諗應該幾痛啦,所以下次噴就會更難,鼠鼠會反抗愈唻愈大,小心d唔好因為咁而噴到鼠鼠既眼耳口鼻.如果脫毛既地方接近頭部/擔心會噴得唔好,就可以用棉花棒同鼠鼠搽藥.
4)曾見過有俾鼠鼠飲既皮膚病藥水,叫"美毛素",如果買到都可以加入鼠鼠飲用既水度俾鼠鼠飲,雖然效果比較慢,但唔洗噴藥咁難.價錢就比較貴,大約$55-70,買既時候記得睇下有效日期.
5)唔好俾零食俾鼠鼠食,戒下口先,曾經有鼠店既人話,食人食既食物都會引致有皮膚病,而人既食物其實一般都唔適合鼠鼠,所以唔俾鼠鼠食都係好既.

D.但如果佢有外傷仲未好返而甩晒毛既話,就建議你處理左佢既外傷先
1)最好都係睇醫生先,始終問題唔輕咁
2)同其他鼠分籠,因為鼠鼠係獨居動物,好易出現打交情況,如果受左傷仲勉強佢地一齊,會令情況更嚴重
3)冇受傷既鼠都要檢查下有冇事
4)保持個籠乾爽清潔,避免細菌感染
5)可以買外用外傷藥同佢噴,都內服既"外傷素",但效果就冇咁快

2007-07-06 14:49:21 補充：
糧食方面都要留意好多人既食物都係唔適合鼠鼠既,甚至蔬果我都覺得唔好,原因如下:1)鼠鼠多數鍾意將食物收埋入腮再去安全地方收埋(有時鼠鼠放入腮但都會好似食緊咁),之後再食,新鮮食物咁處理既話會好唔衛生,好易到食物壞左鼠鼠先進食2)好多蔬菜都會有農藥,人食既時候整得唔熟都已經有問題,而鼠鼠既體積咁細,極少農藥都會做成問題,所以俾鼠鼠食係好危險既.3)咁多水份既食物好容易令鼠鼠肚瀉既,肚瀉對鼠鼠唻講係幾嚴重既病,好易會死架.就算毫無農藥成份既蔬菜,都好難控制俾幾多蔬果俾鼠鼠食,好易俾過多,所以唔俾好過.而鼠鼠本身住在沙漠,所食到既植物都同蔬果好唔同,水份一定好少

2007-07-06 14:49:35 補充：
4)其實人類既食物大多數都唔適合鼠鼠食既,有d食物可能好少份量已經會超出鼠鼠可承受既鹽or糖份(果糖都係),又或會對鼠鼠係太刺激食物等,食得唔健康好易病既.