愛上一個愛得很辛苦的人,點算好?

首先, 您要知道兩個人相處並不容易, 一齊之後, 更加因為大家的性格不同而容易產生誤會或爭執, 這是常見的問題, 另外您們只係剛一齊個半月, 雙方了解都唔係咁清楚, 咁點會真正咁去開開心心一齊呢?
其實首先您要知道個問題係邊度, 咁先可以對正下藥 (您暫且先不理會雙方性格不合的問題)
1. 看來您的男伴都幾自我為中心的, 同埋有時都不理會別人感受, 您有冇去了解佢咁做原因呢? 如果佢成日都係咁, 呢d係佢性格問題, 冇得變, 又或者如果佢知道自己性格係咁, 但又不願去改變的話, 咁要看您自己能否忍耐, 如果唔得, 咁一係唔出聲唔埋佢, 有時採取不秋不採的態度, 看他點様.

2. 您們出街食飯時, 佢話呢d係男人比, 咁當時係咪有其他人或朋友係度, 定係得您兩個呢?如果佢係一個要面子的人, 咁佢的行為可以了解, 如果唔係的話, 咁真係唔知佢點唸架, 亦都係唔係佢性格一部份呢? 如果佢唔介意佢自己比錢, 咁就不需要講咁多啦, 比咪比囉, 使咩講咁多, 咁啫係佢介意啦, 佢講曬啦

3. 至於您話, 佢唔送您仲要連送到門口都唔做, 咁就離譜d啦, 一d禮貌都冇, 仲要同您講話對其他人同埋親友都係咁, 您應該反問佢, 您究竟知唔知禮貌點寫阿/< 如果佢珍視您就唔會連呢d行為有唔做, 兩個字講曬 - 過份

我知道我上面講的可能對您來講會過火左, 但係我覺得您係咪應該要唸, 佢係咪您想要的類型或者佢係您的真正白馬王子(不是外表) 是真正的為人, 您係咪真正能付出感情時間心血等係佢身上先?您先先了解自己的想法, 然後再去唸呢個男人係咪適合您, 一齊落去, 唔值得就咪再花時間精神落去啦, 反正都冇結果, (ps我唔係要潑冷水) 只係想您認真的考慮深思這問題,
另外聽您講話佢之前係大陸叫女人, 我覺得對於我黎講己經好過份, 仲要依家咁對您, 您試下從第三者角度唸下, 您可以接受到嗎, 同埋夾埋咁多唔開心的事, 您可以承受得住嗎?
您都要想想日後您的日子會係點, 依家唔開心唔代表以後都唔開心, 總之唔開心就應該放低包服, 依家連朋友都可能對您們的關係作出一d評價, 咁您係咪仲應該去好好咁反省下呢段關係呢? 點都好啦, 您若然想公平點, 找多幾個朋友或知心的好友(或者您識得佢d朋友)傾下啦, 再得出結論自己作考慮都ok,

唔好再唔開心啦, 拿出您的勇氣去面對您的將來吧!!!!
因為在您的世界裏永不孤獨, 就算有冇呢個人, 但係都總有人會支持您的
祝快樂, 以上屬個人建議, 希望您見諒吧

我覺得應該要分手了

我覺得你要自己諗清楚，雖然係得個多月，
但佢已經咁對你，咁你點同佢過一世呀！
其實女人最重要係搵一個對你好，全心全意
去愛你ｏ架人，就算佢幾有錢幾靚仔對你唔好
都無用，同佢仲會去叫雞，男人叫開雞就會好似
上咗癮咁，所以我覺得你最好係同佢分開，呢個
世界有咁多男人，一定會搵到一個更好的，你唔同
佢分開點知你下一個會唔會係真命天子呢？

1. 听你說他以前常叫雞, 咁既人應該係一個幾成熟既人, 知道自己做緊咩, 而並唔係一個全無愛情經驗既人, 而是一個老手. 咁男人做出來既野, 大既都是有心的. 佢每次都說別人錯, 好明顯是佢有心要改變你既思想, 這個其實是很危險的, 這個洗腦招式, 其實很多男仔都會用, 很多時男生都在晚上跟女生說想佢掛念佢, 有意無意的改變女生的思維. 如果個男人係好人, 都無乜所謂, 頂多覺得他是比較大男人, 要人家思想上跟他一樣, 但若男人想扭曲女人既思想的時候, 這招卻是很恐怖似的. @.@ 問題是在於, 佢說每一件事既用心, 佢為了什麼去說一些錯的觀念要你去接受呢?

2. 男女友拍拖, 其實我覺得誰埋單都好, 沒有一定的定律, 當然男生為了風度的問題, 是應該自己主動付款. 有沒有和夠不夠錢給你買東西這問題, 是要看佢個人收入同你們未來的計劃有關, 假若他是一個好男人, 都想跟你結婚的話, 大慨都會秘密地儲錢, 可是你說過他愛嫖.........

3. 夜晚唔送你走, 想問一句? 他以前會不會送的, 若然以前會送, 現在不送的話, 當真是很差勁的男人, 我覺得若然如此, 你就似送完外賣自己走一樣, 不同的是佢沒有給你小費.

值不值得嗎? 相信他叫雞一事, 佢從來都不會認錯的吧!　如果佢又要你說叫雞是對的，你會認同嗎？晚點跟他結婚，你每件事都不能說不，有多難受，你都該知道吧，相信佢就算你話分手佢都唔會改變佢既想法而去就你的．太大男人，你根本沒法接受，更甚的是你自己覺得自己像只雞了，你說還有彎轉麼，其實你心裹早就有了答案吧！

去路？找機會認識多一點朋友，俾ｄ自信去找別的吧．不用立即分手，因為你不多不小都被佢薰陶了很多，思想上都需要時間糾正一下，找到別的就走吧！因為你沒法子改變佢，你根本太弱了，沒法子，一個視女人如衣服既男人，一個不會尊重你意願既男人，我敢寫包單，如果佢唔係失去左你之後，立心改過的話，九成九會變成一個會去搞女人的爸爸，如果你想為子女爭取一個單親家庭的，就繼續吧！哈哈

照你咁我講都覺得佢係幾自我中心,
同埋吾識體諒人..
有時會吾會係你就得佢太多而令到佢變成而加咁呢?
佢吾送你, 我覺得呢個吾只係有冇禮貌既問題,
而係我覺得佢吾在乎你, 同埋吾會站人地角度去睇野.
你話佢上大陸叫雞,
如果佢明知你知道仲咁做,
好明顯佢愛你既吾會多得去邊.
同埋佢點都吾會係個好男人,
對愛吾專一,
又何必搵個令自己咁辛苦既伴侶呢?
假若你真係好愛佢既,
我明白要同佢分手係好難,
但你要知道,
你再同佢咁落去,
好可能佢遲早都會飛你,
而且都浪費左你好多既時間.
所以我係支持你同佢分開既.
希望我幫到你啦;]

妳愛佢就得,當妳忍無可忍就分手.這是妳的決定.可是,我認為佢真係好難頂!

睇完你段嘢,你都係分手啦!
拍咗個45日貨仔,就 o甘啦!
早d睇清楚,就早d走人啦!
辛苦仲唔走,唔通等痛苦先分手!
不過最後都係你自己諗啦!

我認為分開啦,佢不會給你改變的,只有忍受,開頭你會值得,跟住吵的時候,什麼都不值得啦

別人怎樣看不要緊, 重要的是你們兩人是否相處愉快, 就你上述所說, 我覺得他這個人很難相處, 或許當他朋友會好過做他女朋友。我會建議你重新考慮你們之間的關係