有養狗狗請入嚟一看........

如果底層有小毛球, 就先嘗試一下可唔可以解番開...千萬唔好攞把梳夾硬去梳番散佢...(隻狗會痛架!) 如果解唔開, 就唯有剪左佢地 (剪ge時候要小心, 因為如果毛球有時會纏得好接近肉, 小心剪親佢)
至於你話你隻狗狗d毛又乾又叉開晒, 除左可以試下沖完涼再搽人用ge護髮素外, 亦可以試下BB油(幾滴)當做係護毛素(不過通常頭一兩日d毛會"笠"少少), 記住吹乾毛呀~~~
另外, 亦可以係食料方面入手, 例如餵佢食瘦肉or煮熟ge蛋黃, 但記住要儘量避免醣份、塩份同澱粉, 因為肥胖而脂肪堆積ge狗狗毛質通常都會易變差..當然仲有要同佢散下步、做運動, 因為狗同人一樣, 運動得多, 皮膚會變得靚d架~~~^^
希望幫到你la~~~長毛ge狗都比較難打理...俾d心機la~~^^

你試下梳唔梳到..唔得就剪左佢啦..
宜家咁你最好幫佢剪短晒d毛先..
冇咁煩..同埋剪走埋開叉..
跟住日日幫佢梳次毛..幾日都得架..
順同逆毛咁梳..你可以買d美毛膏架..
都ok架..不過勤梳毛都ok架啦..
平時沖涼就要吹乾晒先呀..10日沖1次夠架啦..

你可以買隻解結梳同佢梳番開d毛，另外同佢沖完涼之後再用護毛素搽係佢d毛度，咁d毛就會順好多，除此之外，食omega3都可以令毛髮柔順同發亮，不過價錢會比較貴，選擇沖涼液同護毛素最好是有機的產品，因沒有加入添加劑而且是全天然提煉，你可瀏覽以下的網頁參考:
http://www.pet28.com/profile.asp?id=3448
http://www.pet28.com/profile.asp?id=16404
http://www.pet28.com/profile.asp?id=16356
http://www.pet28.com/profile.asp?id=16400
http://www.pet28.com/profile.asp?id=22787

我隻狗狗都有毛球
d毛球梳唔番順架啦
如果你"間下"梳
只會梳痛佢
so剪咗佢會好d"

唉~~攪成咁, 你一定係沖完涼冇幫佢吹乾, 又唔係日日幫佢梳毛啦! 家吓咁0既情況, 如果你想夾硬梳番順佢啲毛, 一定痛死佢架! 惟有狠心剷晒佢啦.

我都係想西施架! 佢啲毛雖然好多, 仲長到幾乎到地, 但佢啲毛好順滑, 唔會打結, 全因我每日都會好俾心機同佢梳毛咋. 你要做個負責人的主人吖嘛, 我並唔係想鬧你, 只係替你肉赤隻狗狗咋.

你隻西施係咪髦毛架? 如果係, 更加要日日梳毛, 尤其係腋下的位置, 嗰度最容易打結架!

至企美毛油, 我隻西施食緊一隻叫 Linatone 的牌子. 我個寶貝細個時啲毛好鞋架, 食咗呢隻牌子後, 啲毛又幼又滑, 仲立立令添. 賣二百幾蚊一支, 大約二百幾毫升, 以我隻西施為例, 佢5 kg, 每日食五毫升就夠啦, 佢仲好鍾意食添. 但呢隻牌子價錢較貴, 所以好少寵物店會入貨, 如果你想買, 可以打去2369 2006搵汪小姐. 呢間舖買滿$300, 免費送貨架.

最好就剪左佢啦,or帶佢去寵物店搞搞,順便美容ma,

幫完狗仔沖涼唔好懶吹乾,起碼要吹乾8成ga,仲要即刻搵梳梳下佢
記得梳"格助底"位同patpat位,留意下狗仔有冇[lam手]既習慣,
lam到濕晒又會好易打[click],我隻狗就有咁ge情況
d蝨會[lay]埋0係d毛球入面架,一定要小心處理

另外我自己會用人用既護髮素or焗油幫隻狗做下護理
當然,去寵物美容買專用既比較好,其實shampoo起好少作用
去買d pets用ge護髮油啦,我家姐試過買"銀粉"比狗仔食
好有光澤ga!!效果明顯但同價錢成正比!好似八百幾蚊食2-3次啦..

btw,因為我隻狗係貴婦,毛都比較軟,所以同你隻狗ge情況可能有d出入
希望可以幫到你啦 =]

d毛打結起毛球係因為少梳或者沖涼之後吹得唔乾透，可以用解結梳慢慢梳返鬆佢，不過如果太嚴重就不如成個毛球剪左佢，反正係底層唔會影響外觀。至於洗毛用品同狗糧我諗要睇返狗狗本身皮膚點同年齡同飲食習慣，唔可以亂來唔係會有反效果，狗狗一病唔同人可大可小，最好請教家庭獸醫或專業寵物美容師，我用開「流動寵物車」上面買o既一支海底泥成份o既洗毛水，我隻超級易皮膚敏感o既西施用完都無事，而且我keep住兩個月會帶佢去剪毛做美容，所以或者你可以揾佢地幫手

@@ 好難會梳返順ga!
要剪左去之後慢慢梳先得!
因為我2隻狗仔都係咁!!