一個男仔會唔會失驚無神走去攬住一個女仔ｇａ？

其實一個男仔會唔會失驚無神走去攬住一個女仔ｇａ？普通朋友之間會攬嗎（一男一女，正面攬果種）？我唔知佢當我係乜野．．．．或者如果個女仔岩岩喊過又收左聲，之後佢先攬．．咁會唔會只係算係安慰？
攬完之後我地好尷尬，佢又話如果佢之前個女朋友唔開心，佢都會咁做。朋友話佢成日都”借Ｄ椅”行黎行去，之後同我講野的，但其實我又唔係太覺。個次之後，開頭見到都會講下野，但慢慢氣氛好似愈來愈尷尬。
呢排我地好耐都冇講過野喇，前幾日我見到佢，佢好似都見到我，但我一望過去，佢就四圍望ｏｒ拉住個人狂講野，我真係唔明佢係點諗呀．．．．
朋友都話佢對我係唔同的，但佢好似同好多人都好好傾，我知道有好多人都鍾意佢，佢又好似對個個都好好咁，我唔覺得佢對我特別好，佢同其他人一齊好似多野講過同我一齊，佢平時好多野講的，但佢同我一齊就會靜落黎，我成日都覺得佢同我講野好似就住就住，佢對住第二個唔係咁的，但其實唔知係唔係因為我太嚴肅（我的朋友都說我比較靜的），總之大家的關係就好奇怪ｌａ！
我之前有曾經叫過佢唔好理我的，但係佢只係露出一個奇怪的笑容。朋友叫我問清楚佢，但如果佢話唔鍾意我咁米好樣衰？
你地覺得佢有冇鍾意我呢？