之前我成日話分手激佢, 佢都會喊晒, 好不願意的。
好耐之後的一次, 佢話佢頂唔順我次次講分手, 佢話真係好hurt.
o個次之後, 佢就話唔想再一齊。o個時我後悔都太遲, 我好傷心。
(1) 你地係咪都覺得, 如果對方成日用分手威脅係好hurt架??
我地分開左一段時間, 之後佢找番我,
話想一齊番。 我當然都想重新黎過。
而我過去成日用分手威脅的方法, 我都再冇用了, 因為知道真係好hurt人。
其實我好想對佢更加好。
不過唔知點解, 宜家覺得佢好似得寸進尺咁。
好似比佢自己左我實際係冇膽同佢分開的,
所以佢宜家因小小事就發晒脾氣咁。
有時我都分別唔到誰是誰非, 次次都係我主動tum 番佢。
其實我真係想2個人既感情唔好咁多傷害的~所以我願意去主動..
(續...)
更新1:
不過有時我又怕, 我成日都認衰, 會令到佢愈黎愈得寸進尺, 愈黎愈鍾意發脾氣~ (2) 你地覺唔覺佢真係會得寸進尺?? (3) 好想問男仔.. 其實你明唔明我男友點諗架?? (4) 我應該點樣做呀? 我想大家都公平..大家的感情都可以好d。
更新2:
呢2 日, 佢又因為極小既事發晒脾氣, 可能係因為佢誤會我d 態度la 咁呢d 態度既野, 佢同我的感覺都好主觀, 所以我跟本冇法去解釋...佢就好嬲~ 我又覺得好無奈~ o個晚我都好嬲... 咁岩又比佢知道左我同我ex-bf 有聯絡過..(佢話過聯絡前要話佢知先, 我冇) then 我好激動, 仲話我ex仲好過佢! 呢d 說話 (5) 好想問男仔.... 其實呢d 說話係咪真係好hurt.
更新3:
因為我feel 到我bf 今次真係好嬲... 我都好後悔, 我覺得自己嬲極都唔應該講呢d 野。 但我已經say 左好多次sorry 啦。 (6) 如果你係我bf , 你女友咁樣講野, 你會唔會發嬲上黎搵番你之前個ex-gf ??? 我都有d 擔心~ 係咪我太唔信任佢呢? (7) 男仔可唔可以講下~ 你地覺得你女友同你講d咩....係真係非常傷害你架? (8) 我應該點樣tum 番佢好? 買野, 對唔住...呢d 野已經冇用架喇。