欠薪. 我可否告他嗎?? 請好心人幫幫忙

以你o既情況，若你老闆當你係打自己工的話，即係當同你買服務，(以因為你同佢無僱傭開係。)咁就未必可以用僱傭條例去告你老闆啦。

不過，你都可以去勞工處備案先o既，因為無僱傭合約，亦唔代表無關係o既，但若果有人可以證明你係佢員工就好d。

你諗吓佢叫你開工果陣係咪當件工同你計先，如果係的話，佢可以推說話係邀請你幫佢做野，但唔係聘請你做佢員工囉。若果勞工處幫唔倒你的話，你可以去小額錢棧處去追討欠款o既。(唔知點攪的話，就請教勞工處話你知點做，如果佢話證明唔倒你同老闆有僱傭關係，就請佢告知你小額錢棧處點去啦。)勞工處好似有d單張講有咩程序架。)

實情你係7日內收唔倒錢就已經可以去勞工處備案架啦。現在唔好等啦，快d去攪啦，因為時間同手續都要攪成個月架。

你最好明天就後勞工處先做備案，同勞工處的職員講番你的情況，我唔記得僱主拖欠僱員薪金要幾多個月內要去登記，否則不能由勞工處經破產管理局代支付欠薪，但你的情況應未到破產管理局個方面。勞工處的職員會分析處理的方案給你知，同埋能否取回欠薪的機會率。
另外你亦可找你住的區域的區議員或工聯會做咨詢，由於現時的區議員都是以為民請命為掛帥，所以找他們亦是一個途徑的。
你要帶備你有關開工記錄的資料，雖然不知是否有幫助，但希望能夠多一點證明，你是得一人或是還有其他人呢？如果有多幾個人會有效應Ｄ。在十年前我個時是集體員工一齊去勞工處做備案的，我還記得個年既二月份好彩２９號，如果唔係我哋都唔可以係破產管理局到攞番一部份代支的欠薪，我沒有記錯好似係半年內，因為我哋成班人俾勞工處的職員話差不多半年無出糧，為怎麼咁遲才去備案，好彩今個月有２９日，唔係到３月１號你哋成班人都唔可以由破產管理局做代支了。
所以你先去勞工處先做登記備案，必要時再加埋區議員或工聯會幫手，睇吓可唔可以追回工資啦。希望你可以盡快攞番你應得的工資啦！

去勞工處搵人幫手啦。
佢地係專家，實有處理個案經驗。