究竟點先係真正去愛一個人？

真正愛一個人 係無定義 (只要係真心真意對佢好就已經足夠 無論係咩情況都唔可以做不忠既事)

想佢點？
想佢做咩？
想佢唔好做D咩？ (無用ga 你中意佢就要接受佢既一切 你只可以同佢傾下 唔可以強求 佢愛你就自然會改變 如果唔係dim 都無用)

點先可以愛得長久？(你想聼真既定係假既?)

假:(你個樣有番咁上下 對女朋友又好 加上對住佢唔會有唔周身唔自然既感覺) 多數行得長
真:(起碼要有番d錢 如果無 起碼要養得起佢 如果唔係 行幾長到做後都係一樣)

一段關係要終結時，點先可以令大家唔會傷得咁深？

(e樣野就要睇下邊個愛邊個多d la 邊個愛得深 就傷得深)
如果你能夠做到 無限量付出 但分手既時候仍然都唔嬲 咁你一定你神la

問：究竟點先係真正去愛一個人？
答：愛人如己。真正自愛既人會珍惜生命、珍惜健康、珍惜時間、珍惜身邊所擁有既一　　　切。如果用呢個心去愛人，就係真正愛一個人。

問：如果你真係鐘意一個人，你會：
　　想佢點？
　　想佢做咩？
　　想佢唔好做D咩？
答：會想佢身心都健康。想佢做自己既本份。面對父母做子女既本份、面對配偶做夫妻既本份、面對子女做父母既本份。想佢唔好做對自己或別人有害既事。

問：點樣證明你自己真係愛你的另一半？
答：其實呢個問題，係要證明俾邊個睇？如果係證明俾旁人睇，可以去報讀演藝課程，反正只不過係做俾人睇。如果要證明俾另一半睇，就更加簡單，只要全心全意去愛，愛到冇時間同精神去諗點樣證明自己真係愛對方，就係最好既證明。

問：點先可以愛得長久？
答：要愛得長久，只要你去愛就可以，只要你堅持去愛，最少可以愛到死為止。但係如果你問點先可以令對方愛你愛得長久，對唔住，冇辦法。因為人係唔應該以控制別人既思想為出發點去做任何事。至少係真愛裡面唔應該係咁。而我地唯一可以做既事，係自愛。因為只有自愛既人先值得人地愛。

問：一段關係要終結時，點先可以令大家唔會傷得咁深？
答：人生裡面任何一段關係，都會有結束既時候。無論係父母子女、夫妻、朋友，或者生離、或者死別。既然任何一段關係都會有結束既時侯，即係話一段關係結束係必然會　　發生同面對既事。呢一點在關係開始前應該已經明白。既然一早明白，又有咩好傷心　　呢？要傷心既其實係點樣面對人地既不忠、變心、背叛、出賣、拋棄等傷害。但係如　　果真正去愛一個人，你只會關心佢既健康同幸福，又邊有時間為呢Ｄ事而傷心呢？再　　簡單Ｄ講，一段關係既結束之所以會令人感到傷心，係因為佔有慾。當你以為可以擁　　有對方（一段關係既開始），而對方離開你（關係結束，由擁有變成失去），人就會　　感到傷心難過。但係只要細心一諗，其實佔有慾並唔係真愛裡面必需既元素。所以只　　要放低自己既佔有慾，全心全意去愛一個人，就算一段關係結束，都唔會感到傷心。

P.S:以上心得，男女合用