好唔開心AR!!!!!!喱個女仔個心係點諗?

首先希望你唔好介意，
我覺得個女仔個心唔係鍾意你，
佢會咁係因為:

1.女仔多數都會鍾意多個人錫自己ga ma，
我就覺得佢係鍾意有人錫自己的感覺，而唔係鍾意你。

佢關心你，
其實都係一樣ja，
佢得閒咪關心吓你，
keep住你對佢個心lor，
你要知道，有d人係咁ga~
而且亦係好平常，
即係呢種係一種曖昧的feel，
keep住有個人鍾意自己，
我亦係個人認為啦，(始終我都唔識個女仔)
佢應該都係鍾意呢種好似有愛情的感覺，
一種有人鍾意的感覺，
就唔係鍾意你。

2.同時，
多數女仔都會或多或少有少少想要依賴吓男仔嘅傾向(當然有例外啦~)
咁尤其當佢要有人幫手嘅時候，
呢個傾向就會特別大，
咁佢明知你like佢ga ma，
你一定會應承ga，
咁咪叫你lor，
你話佢話因為你好人，
我覺得呢個係藉口，
佢唔知你鍾意佢就有可能真係因為你好人，
但係而家唔係，
係因為佢知你一定會答應佢，
「食檸檬」的感覺不好受ma，尤其係對著異性^^

3.(呢個的可能性就需要你自己去睇睇，
上面嗰2個我就比較肯定d~)
仲有仲有，
你可以打聽吓個女仔有冇第二個鍾意的人，
睇吓佢會唔會係搵你幫吓手，
俾佢鍾意嗰個睇到，
等佢妒忌吓，
去幫佢去促進吓佢地的發展??

你諗吓，
如果唔係，
你約佢又點會唔出嚟??
佢又點會話同你唔熟呀??
佢話佢認為熟就熟，唔熟就唔熟，
係敷衍緊你，
佢唔怕miss咗個機會同你發展咩?

其實講真，
佢係唔係鍾意你，
我相信你自己心入面都好清楚，
只不過的是你鍾意佢，
你會希望仲有機會ja，
但，唔好意思，坦白講，
暫時嚟睇，我覺得佢唔係鍾意你，
又係嗰句，係鍾意一種有人鍾意的感覺。
真係講真呀，
睇佢咁答你，
可能佢真係冇乜意思想同你發展bor，
不過如果你真係好鍾意佢，
你就俾多d耐性打動啦，
我唔否定你將來會唔會有機會，
佢會叫你幫手，
其實佢對你可能都有2種睇法，

一係學佢咁講，
覺得你好人，都唔差，
所以佢先會一有事就諗起你，
咁如果佢係呢樣的話，
你就都仲有機會，
因為佢對你都幾有好感。

但係，
第二個可能性係，
因為你要知道佢同佢班frd都知你鍾意佢呀，
佢真係可能當你係「水魚」，
有事就搵你，
冇事就飛你去一二邊，
將你當係佢地茶餘飯後的話題，
呢個都有可能，
咁...佢將來都有可能同佢地講講吓，
又同你相處落，
可能覺得你ok，
就都有可能鍾意你嘅，
不過咁就都要你唔好mind佢之前咁對你lor，
因為咁你就可能會喺佢班frd面前被睇唔起。

打得有少少亂...
希望你睇得明，同希望幫到你!!
唔明再打上嚟問!^^
無論你諗住繼唔繼續呢後情，
都要加油^^!

我會安慰你

其實如果你俾佢知道你好鍾意佢的話，咁佢就會冇咁緊你架ｌａ。

其實我覺得佢都有機會鍾意你既，你係佢個心入面佔有一定既位置，
因為你話佢有事一定會搵你。所以你真係鍾意佢就加把勁ｌａ。

對你忽冷忽熱可能係有時唔知點面對你呢，好多女仔都鍾意口是心非，
加上佢同埋佢既朋友都知你鍾意佢，咁佢就更加可以名正言順吊高黎賣ｌａ！

又或者佢覺得時機仲未成熟呢．．．．
所以你俾多Ｄ耐性啦，話唔定約多幾次就掂呢，係咪？祝你成功呀 =]

e個女仔 可以講係.......(不知所謂) 佢知你好中意 so 佢當你係觀音兵 來者不拒 佢關心你? 笑話.....(佢既心態係多個人中意可以找你攝下時間jar) 佢係中意你一早同左你一齊la 係咪? 佢明知你中意佢仲同你講 (我地唔係好熟) 跟本就唔重視你 當你係超級普通朋友
再講 你細心諗下(你中意一個人係咪會掛住佢想見佢先?) 你約佢出去次次都唔制 (證明佢對你無興趣la) 你要醒下la 唔好做佢隻狗 等佢覺得自己好威咁 你明ma ?? 你既情況我都試過 (會好想保護佢 好想等佢有事既時候無條件 咁去help佢 因為你深愛佢 我好明白) 但當你努力過都係唔得 就只好放棄 因為你咁做只會得你一個人辛苦 佢係唔會為你宜內疚ga

你話我直話我底萎你愛人都係咁話ga la 你諗下 (一個說話同行為都唔合邏輯既人) 信得過ma?

2007-07-07 02:03:51 補充：
唔好聼d女仔講無用既安慰說話la 唔好再自己呃自己 接受殘酷既現實 d女仔緊係想多人錫la 多個人中意 又唔洗付出 佢就想la 跟本唔明白你感受 完全係自私既行為 唔好傻la 我有無分 無所謂 我係過來人 唔想你沈淪落去jar 你對愛情咁認真唔會衰得去邊 你一樣有你既魅力 找個你值得為佢付出既女仔好過la 如果無 為左佢又好 為自己都好 將d時間放係讀書或工作到 比心機做個有用既人仲好la 眼光要放遠d 你可以一樣咁愛佢 不過只可以放係心到 順奇自然la 勉強無幸福ga 比你同左佢一齊又dim? 最後痛苦既咪又係得你一個! 佢會可憐你ma? 認真諗下我講既野la 我想你醒下jar

比我個人覺得個女仔...根本唔鍾意你
但佢見你咁鍾意佢_所以利用你對佢既心而幫佢做D野
俗D講句(佢當你傻仔咁駛囉)

有咩講錯..唔好介意

佢可能係利用你, 當你係觀音兵. 如果發現她根本不是對有意, 那我勸你還是不要再當她的觀音兵了. 那只會令你繼續死心塌地為他不斷付出, 她也未必會真心真意去對待你.

呢個女仔都好現實喎，佢只係當你係觀音兵、追求者之一，她在利用你對她的感情，從你身上著數。