(急) DC ~canon vs nikon

如果budget真係咁緊,咁買Nikon S200啦. Ixus 950 IS貴差唔多成千蚊的, 同Ixus 850 IS差唔多價錢. S200最唔好係唔夠wide,得38mm今時今日來講係幾差,俾我一定會揀有28mm的型號.同埋佢微距對焦距離比較遠,太細物件會影得唔夠大.至於反應方面部部DC都係差唔多慢,分別唔會太大.
防震最好有啦.防震的作用係當快門變慢或焦距很長時一定程度減低手震的影響.例如冇防震你可以用到1/40秒(大約是焦距的倒數,因人而異)唔手震,有防震就可以慢到1/5秒.快門幾時有機會會咁慢呢?就係冇太陽光既時候.一般室內如果用iso 100,好多時就係呢個快門,這時就算iso 100唔得,用到iso 200都勉強叫做影到,否則冇防震就可能要用到iso 800快門先夠快,就會搞到好多雜訊,張相變得好花,又或者只可以靠閃光燈影啲近野,遠景由得佢變黑.又或者長焦距時,快門要更加快才不會手震,偏偏呢類相機多數一zoom光圈就會變細,快門又會變慢,令到要光線非常充足要拍到清晰照片,未必要去到室內,甚至陰天都會有問題.當然用腳架就可以唔駛防震.
仲有防震只可以防自己震,用慢快門而被攝對像又郁咗的話係冇用的.

2007-07-10 16:36:27 補充：
很高興意見對你有用.