D王妃佢地既相有咩特徵呀???

皇后 / 皇妃 唔一定係好靚.
相有動靜之分.
靜相係講手面相.
1.五官配合得宜,唔會話面大五官細,或者五官大面細.
2.皮膚白晢滑溜.
3.手指比例唔會長過手掌.
4.嘴形靚主口才好.
5.眼有神, 眼形細長(唔係只眼細)代表一生多貴人.
6.鼻頭圓而有肉,鼻翼豐厚.鼻樑直而有勢.
7.顴鼻相襯,代表有權力有話事權.
8.眉長過目眉清主貴代表有貴人助力大又有長遠計劃.
9.耳相靚主一生運程暢順少阻滯.
10.額飽满主轉數快.額相(上停)包括有官祿宫,官祿宫靚代表上司/長輩愛鍚.
11.整個面相骨肉相稱.唔會骨多肉少或肉多骨少.
12.手掌唔會露根露節.
13.頭髮細而軟主吉.
14.手相會有靚嘅成功線再加上清秀嘅名望線.
15.深刻有力嘅名望線再加上一條平行而上嘅緍姻線,代表結緍對象係有名望聲譽.
16.手掌厚而軟又有肉.
總結整個人骨肉相稱,腰,臍,腹,背,臀都比例均等.
動相:
1.聲音開而實在.
2.動靜温文,唔會話好急燥嘅人.
3.感覚係好舒服 / 威嚴.
最後論相唔同國籍嘅人仕相法係有出入架.

貓仙人姐姐,咁眉清目秀嘅目秀即係點?