有邊隻股可於三個月內穩穩陣陣升100%~200%? 497可以嗎? 346? 120? 152?

老兄, 忠言逆耳, 不過唔想你出事, 希望可以盡下人事.

我唔知你既股齡有幾深, 但如你相信果次120事件可以永遠重複落去, 呢d係幻想!

你問得出上面果條問題, 我諗你未必知點解果次120可以係三個月升一倍 (希望唔係). 如果真係, 你呢次係叫好彩! 呢d 4,5線股, 升可以升幾倍, 跌亦可以跌去4/5. 你有無諗過1次過你既五十萬會變成幾萬蚊呢種可能?

而且, 就算有人話你知邊隻可以, 幾時要買入, 幾時要放, 你都唔好信! 有咁好既股票, 風險低回報高, 不如自己去買, 為左賺你呢十零廿分yahoo分數而醒你幾十萬cash, 邊有人咁傻仔啊! 你唔去做功課, 剩係聽貼士入市, 呢d叫賭錢!

而家個市究竟算係高定係低? 你依家隻120算係高位定低位, 支持位係邊? 阻力位係邊? 成交量係咩景況? 若然你答唔出, 你都係見好就收, 快快手獲利回吐吧! 唔係一陣連呢d利潤都無埋!

最後一句, 買股票一定要自己做功課, 錢只會去識得運用佢既人手上. 容易錢得來容易, 去得亦一樣咁易, 祝你好運!

三個月內可以升 100%既又要穩陣既真係冇.
如果係投資性質既.

投機性質既都有可能, 不過要係細價股 或者係 大股既 窩輪, 果d一日可以上落十幾 %.
咁買賣多幾次, 要一倍至兩倍唔係冇可能.
有好多 證券行經紀, 靠10000蚊, 半年可以去到 1000000, 之後亦可以 1000000唔駛一個月
變番得廿幾萬......就係因為佢地識點投資同快狠準. 呢d我地就係要真係多多學....