BB狗腸胃炎之後會有後遺症??

佢康復後, 腸胃的吸收及消化能力可能會差啲, 但唔一定會, 只要喺佢患病期間小心照顧, 應該唔會有後遺症, 就算有, 都唔係大問題吖. 好似我隻寶貝西施咁, 佢一返到屋企就病(狗房咳), 醫咗成個月至好番, 之後變咗氣管敏感, 出入冷氣地方或太興奮就會咳, 但我覺得對佢的健康冇大碍, 佢而家好活潑, 食得瞓得. 所以你唔駛太擔心, 就算你隻松鼠日後真係有少少後遺症, 只要注意飲食, 小心照顧, 佢一定可以好健康架.

間狗舖咁講, 應該係唔想醫隻松鼠(呢間應該係黑店, 狗狗應該喺你未帶佢返屋企前已染病, 之不過間狗舖幫佢打針撐住啫), 如果你真係換過另一隻, 佢就真係得番死路一條架啦! 我希望你去狗舖接番隻狗, 然後帶佢去睇醫生. 世上咁多人, 咁多狗狗, 你哋要好有緣份至可以相遇架, 你要珍惜呢份緣份, 唔好放棄佢呀!

衷心希望你隻狗狗早日康復.

如果普通腸胃炎,係可以痊癒的,未必會有後遺症,
最差情況只可能係吸收能力較差,但一般容易吸收
o既狗糧或加d腸胃酵素,就可以改善!!!
但我最怕你隻狗仔唔係普通腸胃炎,
係"病毒性腸炎",係種過濾性病毒,bb狗死亡率達8~9成,
普通腸胃炎,照計petshop唔會咁"順攤"咁快肯換俾你!!!
或者你要求petshop職員同你一齊去見一見醫生,
詳細了解一下病情,最好你自己搵醫生,唔好去petshop介紹果間,
至於邊個負責診金,你可以試下同petshop商討,
不過...你預計通常係你負責!

其實未必會有後遺ga,只要你小心照顧puppy ok

係腸吸收會差D，主人要多D時間同照顧up返佢健康，如果你未養過狗好難話你知。如果要講要好長編=.=""""