一個女仔租屋

你可選擇石蘺或石蔭 , 我都係自己一個女仔住果邊 , 不過要貴小小 , 大約 2000 左右 , 已有一間房 , 一間細廳 , 獨立廚廁 (係廚房與廁所連埋一齊), 不過唔係獨立門口, 而且大廈都好整齊 , 又有 (車立) , 我幾個月前睇樓時 , 有些天台屋獨立門口 , 獨立廚廁 , 一個空間房連廳, 都係 1800 , 但要行後樓梯 , 一個女仔就危險 D , 記得要試水 , 電 , 冷氣 , 而且可以問下業主比一個星期既免租期你執下間屋 , 你睇啱左之後落房租既一半訂比地產, 然後地產會約業主和你當面簽約, 雙方簽好租約之後, 你要即時交埋一個月上期(即第一個租), 兩個月按金, 有D業主會收水電按金, 大約 1000 , 業主收齊就會比鎖匙你, 你就可以住啦, 仲有要比地產佣金, 有 D 收租金一個月, 有 D 收租金半個月, 記得問清楚, 最後要打厘印, 業主與你各人一半, 大約 80 左右 , 正式租約大約 2 星期左右可取回, 記得叫地產抄水電錶 , 希望幫到你, 祝你早日搵到心水樓

屯門區巨聯絡54055522

$1500你可以選擇的得好小，通常都係一D舊式塘樓，一個女仔安全方面要特別小心，還要打聽清楚大廈入面有冇D一樓一鳳，如果有--大廈就會有好多色情狂上落--加倍小心--還有噤錯鐘的危机﹗
你睇左樓，覺得好啦就可以簽租約收鑰匙就可以住（即日都得），但最好就換過把鑰啦﹗起租曰可以係簽約後一星期（免租期）

如果要$1500，在荃灣區只可以租一些單幢唐樓，還要是只有套房，要和別人分用廚廁，荃灣市中心如眾安街﹑沙咀道﹑荃灣廣場後方一帶都會有這類樓宇，可以向地產查詢。
一個女仔租套房就最好不要租板間房，最好是實牆上頂的實房才好。我想你都是當這間房作酒店而已，所以都不用太大強求。不過荃灣區最好避免選鹹田街﹑大坡坊﹑二坡坊，即是介乎沙咀道和楊屋道之間的舊樓，因為那區龍蛇混集，到入夜後有很多流鶯出沒，一個女仔在附近行夜街要注意治安。
租屋通常沒甚麼，如果傾好了就交「按金」「上期」，和訂立租約，便可入住。不過要留意「生約」和「死約」的期限，和水電煤等雜費如何分擔或計算入租金內。