想問下荃灣有咩行

荃灣.. 出色d o既有.. 愉景新城.. 荃灣廣場.. 荃豐.. 綠楊.. 悅來.. 千色店+城市廣場.. 新之城+南豐+荃錦..

愉景新城 - 地鐵出愉景新城出口沿天橋可到.. 多數都係食飯同埋賣小朋友野o既商場.. 但都有運動用品店.. 女仕服飾.. 金鋪.. 精品..
荃灣廣場 - 地鐵站下有綠van到.. 好快.. 但行去就遠d.. 有戲院.. 同埋超市.. 食飯可以有好多選擇.. 又元氣又紅螞蟻又珊瑚堡等.. 有吉之島.. 附近有寵物用品店.. shopping o既都比較小..
荃豐 - 地鐵出綠楊坊再沿天穚過去.. 呢度就超多野行.. 佢有幾個商場連住.. 多數係服飾店.. 同埋精品.. 名牌二手店.. 有電腦用品店.. 頭髮用品店.. 都有d特色野食下.. 有d街邊小食.. 小巴黎.. 最多野行係呢度喇..
綠楊 - 地鐵綠楊坊出口一出就係.. 但呢度只係2層好小o既商場.. 多數都係d連鎖店.. 零食物語.. 東海堂.. 無咩行.. 上面有間美心酒樓.. 同埋.. star cafe..
悅來 - 唔駛講.. 呢度我都覺得無咩行.. 個場超靜.. 但都有d食飯地方.. 同埋頂多有10蚊店.. 不過呢度下面果層成日都收唔倒o架..
千色店+城市廣場 - 地鐵綠楊出口沿天穚行.. 呢度多野行d.. 千色店都係平時果d鋪頭.. 一層賣化妝品.. 女仕用品.. 一層係小童同家庭用品.. 一層係精品唱片.. 亦有連鎖服裝店.. 再過天穚就到城市廣場.. 呢度好多食飯地方.. 又有得唱k同打機.. 仲有好多shop.. 化妝品.. 服飾.. 精品都有.. 元綠.. 稻香.. 小肥羊都係樓上..
新之城+南豐+荃錦 - 地鐵一出就係.. 3個商場痴住o既..荃錦有H2O等大型化妝品店.. 又有美心快餐.. 仲有izzue.. b+ab.. doublepark.. bluestar.. 等連鎖店.. 樓下有賽馬會.. 而南豐多數都係d手提電話.. 電訊服務店.. 樓上商業大廈係旅行社.. 而新之城就有個扭蛋場.. 夾公仔場.. 仲有d賣髮夾.. 精品.. 模型.. 時裝.. 好似旺角中心隔離個新之城差無幾.. 不過無咁大.. 有大家樂.. 麥當奴.. 等..

每個商場都有唔同o既野行.. 睇下你想行d咩啦..

都幾多ga..
荃灣中心" 綠楊坊

悅來坊(冒險樂園&扭蛋)
新之城 " 千色店" 愉景新城(有時有show)

荃勝大廈"(GreenBox)
荃灣廣場"(百老匯戲院)

南豐中心"(影貼紙相)
荃豐中心(扭蛋)

"英皇娛樂廣場"(Neway)
"荃灣城市廣場"(扭蛋)

大把地方啦
愉景新城
綠楊坊
新之城
荃灣廣場
南豐中心
果一帶都好多地方行