yoki wong#2006錦江酒店現價4.05入唔入得過呀?

✔ 最佳答案

我自己今日都買了一注錦江（２００６），價位是＄４．０４！

我買的原因，純粹是覺得有機會見底，有７０％機會，但會否即時回升，看似又不是！

其實好耐好耐之前，我已想買錦江（２００６），由於我又抽唔到，加上畀人炒到高晒，我覺得是貴，於是一直忍，忍到而家！

看好的原因是我是看好公司的前景，而家條數唔靚，其實一早預左啦，公司上市時已經披露！

此股現時那麼弱，我自己認為同建滔積層板（１８８８），中海化學（３９８３）一樣，一開波又炒到恆，財經演員日日唱好，甚麼分析員，當時唱好的，而家乜都收晒聲了！

這是我不喜歡高追一隻股票，而當時又有很多甚麼分析員，股評專家日日唱好的股票！當時唱好的人，而家見到隻股咁殘，我都想知佢點答這條問題！

太多人唱，隨時炒過龍，唔知有冇人因為他們唱好後一路一路派貨？

錦江（２００６）之前的股價慢慢跌，唔急跌的原因是因為人人都對這類股的基本因素有憧憬！但升唔上的是高位的確有很多蟹貨要消化，因此，此股同建滔積層板（１８８８）一樣，正在進入橫行階段！

跌唔落的原因是基本因素，公司價值支持！

升唔上的原因是太多蟹貨！

此類股，好難一朝一夕就轉勢，是需要時間將蟹貨消化，或公司的成績表交到功課的時候才會轉勢！例如中國食品（５０６），我也盯住佢，可惜畀佢走甩左，轉勢的原因是有高盛唱好！

因此，此類股好像一個在谷底的 Economy，如果要靠自然的調節，即是奉行 Monetary Policy的話，可能要好耐至可以 Recover！相反，如有外在的動力推動，可以突然轉勢，如３０年代的美國一樣，可能要用 Fiscal Policy，增加 Government Expenditure，彈番上去！此情況如香港的自由行，也是另類的Fiscal Policy！

要股價突然轉勢，好大可能需要一種突然的動力，例如某基金唱好，公司的業績優異，有收購，回歸Ａ股等等，只要公司有嘢做，而又係好的方面，股價可以突然間轉勢，這是冇路捉的！

我自己買的原因是我是十分喜歡撈底！但撈左底又不是代表一定會第二日就升番，但我認為此類股的水分（泡沫）已差不多沒有，風險肯定是細！睇番我啲組合，除左隻碧桂園（２００６）我高追了，而家要座艇之外，隻隻都係低位入的，有時我的組合升幅可能畀人慢，但每次當有逆轉的時候，股價都跌唔落我入的位！相反，當股價轉勢時，我的升幅是比別人多，因為我入貨的位較低！

其實佢一路跌，我已一早盯實左佢，之前在大利市機上觀察，沽的人只終是多過入的人，跌得不急的原因是很多人都不想賤沽，我想沽貨的人，多數是輸錢多！現時已有些轉變，開始想沽貨的人少了！

錦江（２００６）現價市盈率雖然高達４０倍，但此數是虛數，０８年會是此公司的高增長期，到時的價位肯定唔會仲係＄４！

入唔入，真係要睇你有冇耐性了！

高追或撈底，好難講邊個叻，邊個對或錯，風格不同已而，兩個手法都是極端，看看是否條條大道通羅馬吧！

如果炒短線，我認為此股不是應該的選擇，由其是在資金推動的升市上，但如果市況有何突然逆轉，此類差不多沒有水份的股票，防守性又有幾多呢？

圖片參考：http://img130.imageshack.us/img130/8104/20061yw0.jpg

YOKI WONG
圖片參考：http://hk.yimg.com/i/icon/16/3.gif

yoki wong#2006錦江酒店現價4.05入唔入得過呀?

回答 (3)