點解我d魚仔成日都跳黎跳去...

１．魚仔跳缸
成因一，係因為魚唔應水質，頂唔順跳出o黎。你有冇對水呢？
新魚要連袋放入缸中對水溫內外相等（對溫），然後將部份袋中水倒走，再逐少加缸中水入袋，可以用個膠湯匙，每五分鐘加幾野水，等魚適應水質（對水）。對水時間人人唔同，有人半個鐘，有人幾個鐘，我最少一個鐘。對完水後撈魚入缸，袋中水唔要，以免有病菌流入。
成因二，受驚。新環境，新鄰居，會唔會有魚追？被追時有冇草／木／石可以避一避？冇的話好可能會跳出o黎。我以前新開缸，第一批約六條新燈跳左四五條，因為當時ｄ草唔夠高，我用一片包書膠片冚住，到後來草長左，就再冇魚跳。
２．新缸水濁
你有冇濾水器？新開缸其實水濁係必然o既，因為濾水器o既硝化菌系統未成熟。只要夠生物環、生物棉等濾材，開住濾水器幾日，水會慢慢變清。唔駛換水，有耐性就得架啦。
如果要換水，就要用事前一日裝好o既水，以便氯氣消散（養水），換三份一好啦。水開始清，就可以加幾條死左都唔肉赤o既魚入缸，有屎尿ｄ菌就有食物，幫助硝化系統成熟。加魚要少，唔好一次加得多。

個缸small得際,5夠游,買個大D嘅la!
我個fd條巨型錦鋰,都因個大缸太細,成日跳黎跳去,有日跳咗出黎,噠死咗~

最好先買缸,後買鱼,養住水先~等個缸濾一晚先再買鱼,because可能D貸(缸)擺(收埋)咗好耐,鋪塵,5關D棉事,but D棉用之前洗一洗先至好用,可能D貸(棉)擺(收埋)咗好耐,鋪塵......

你有冇用暖管呀？如果有、可能入咗水溜電呀！

儘快買一個有蓋的小魚缸，咁咪唔會跳出黎

買魚之後，將袋裡的水倒去，放入魚缸

如果魚缸d水濁，就兩星期換一次水（換三份之一水，ｄ魚襟養好多），記住去金魚街買埋養魚專用的過濾活性碳同海棉（AA最好）