點解人過身後, 要做法事呢

道教學裡，頭七係人死後第七日，例如：1月1日死亡，1月7日就係頭七。

「七」，即是先人每七日就會經歴生死一次，故此古語曰「生人做生日，死人望做七。」

通常頭七、三七、 五七、尾七都會打齋(俗稱做七)，法事過後，家屬都會招待親友飲食齋菜，俗稱「食七」，但仍有部份古老客家人、圍村人守孝一年至設「英雄飯」脱孝。

二七、四七、六七係暗七，通常簡單上香、燒金銀、溪錢便可以。

法事方面，通常做破地獄或破血池科儀。

破地獄目的，希望令亡者得倒接引、超拔、救度，從而幫亡者消災解難、解除亡者罪孽。

喃嘸師傅以「魚貫躡步」及「花紋步」替亡者開路，並由孝子賢孫等後人帶亡者過關、過橋、遊十殿....等等。

此法事能夠令亡者醒覺、頓悟而得到安慰，放下執著。


什麼是破血池？

每一個女性嘅一生，都會同「血」扯上關係，因為月事、生育(造臍帶血)。

若女性生前淫邪、無婦道、視貞潔為無物.........等等，死後往往都要受「血池地獄」嘅刑苦。

破血池目的係免受十殿裡面「血池地獄」嘅刑苦。

破血池過程同破地獄係大致相同。


故此，通常男先人用破地獄儀式，女先人用破血池儀式。

另外，潮州齋、客家齋、福建齋、三寶大齋係會比起其它廣東齋、法事陣容鼎盛同特別。

因為d人想令佢好過d(姐係下面)
唔駛黎煩佢