諗住join california fitness 1 個月任玩...有咩方法避開佢地D經營手法? 15分

首先，Cali d Sales 的推銷手法的確令人討厭，有部份重好取巧，要非常小心，真係諗清楚自己想 join，又鍾意個場至好。

而 Cali 的免費試玩，通常都只係1-2星期，絕少有成個月咁長的。目的係製造機會俾佢地 d sales 向你推銷。試問又點會輕易俾你避開喎？

但係話分兩頭說，吃得鹹魚就要抵得渴：你又要免費試玩 (重係成個月咁長)，又唔想同 d sales 周旋，咁即係點先？便宜要囉到盡，但係又唔肯付出任何代價 (連對方向你推銷的機會都唔肯俾人)......呢個世界有無咁著數的事？

而且，大家都係成年人，對方又無用武力或言語恐嚇的話，有邊度有得迫你入會喎？你唔肯 join，佢地亦奈你唔何的，極其量未係煩下你，纏下你咁囉。但係你有權 say no，有權唔理佢地，更有權唔 join。

我每次帶朋友去試玩，都一定好成功咁帶返朋友走，等個朋友自己諗清諗楚，真係想 join，先至再去多次辦理入會手續的，亦一定要睇清楚所有條文同文件先至簽名的。講到尾：消費者有權知，有權問，更加有權係簽名之前 say no。

通常所謂<被迫入會>的人，其實只係耳仔軟，又或者怕醜 / 唔好意思推卻 d sales，過後又後悔，所以話 cali 強迫入會囉...... 係我眼中，根本唔算強迫。

話你聽 . . . 你唔好去呀 . . .
FREE 都唔好去

我講我 CASE 比你聽 ,
幾年前冇啦啦收到一個 PHONE CALL
大致話 : 中左獎, 就去邊到邊到領取獎品咁 . . . .
當時就冇理佢 . . . .THEN 過左一WEEK 之后
又打來 . . . 話份GIFT KEEP 住起度 , 等你囉 咁
咁當時就好奇 , 就答佢好啦, 去囉啦咁 !!

THEN 去到之后先發現原來係 FITNESS CENTRE (california)
去度呢, 同佢講明來意 . . . THEN 佢就叫我坐去邊度邊度 , 個位基本上係走唔出去咁 !!
即係差唔多被迫咁坐啦 !! 又填FORM 又問野咁 !!
我心知不妙 , 原來佢地係0黎SALE 我入會 !! (完全冇提過話比GIFT我, 冇左回事咁, 只有 SALE 野 )

果時除左我, 好似仲有 1 - 2 個男仔一樣被迫 . . . .
THEN D 人就帶我地遊覽間 CENTRE . . .
完左之后又坐番果度 . .. . 被迫果個位 !!!

佢又再SALE 野 , 佢又會按住你填左FORM 果D 野0黎講 . . . .
又批評下你邊個位置唔夠好呀 . . .邊個位置要練下咁 . . .
總之就多謝曬佢0既批評啦 !!

佢極奇係咁 SALE , 我當然唔會屈服, 佢就算囉曬FORM 出來, 我死都唔肯簽 . . . .
勁話唔得閒要走 !!
到LAST 佢先肯放我走 , 走果時先比D COUPON 我 , 就係你家下囉住果D
一個月任玩 . . ..

唉, 有咩可能咁樣 SALE 野, 就算 FREE 我都唔再來啦 !!
點知會唔會又被迫咁, 好似比人奸左咁 !!

我自願0黎做 占 就話姐 . . .
我都冇諗過原來係FITNESS CENTRE, 又唔一早表明來意 , BUT 佢存心扼人, 冇法 !!

后來聽到D FD 講 , 話佢地係要求佢地D 會員提供 10個好友0既電話 !
咁即係話我唔知邊個FD 做左佢地會員, 又寫左我電話比佢地咁 !!
真係唔該曬你個FD !! 真係要差住佢 !!

以上係我DD 經歷 !!

吾好比佢地覺得你有興趣, 佢地講咩你都say no, say 冇興趣, say u are in hurry, u need to go~~ 我之前就成功離開 without join the club

good luck to u!! ;)

當你登記任玩的會籍的時候
佢地會開始遊說你join 會籍, join 教練堂
你唯有乜都唔 join
唔好帶咁多錢, 最好連信用咭都唔帶
當你每次入去玩, 當你login 既時候
個reception 職員又會hold 住你張證黎遊說你
你要好串咁同佢講要返張證
呢 個係唯一的方法
唯有乜都話唔 join