點解好次 LB / INTERSIS (御傳知) 等......層壓式公司已經觸犯香港商業條例

因為佢地走法律罅.
種金的法例, 係你冇貨物買賣咁吸金,拉人頭, 就係違例. 但係佢地當中係有貨物, 的cupoun, 的香蕉, 紅酒都係貨物.
但係佢用市價既幾倍賣貨俾你(傳銷商), 而你冇能力賣返出去, 咁就完全係商業活動.
法例好難去定咩叫做貴, 咩叫做平. 而且如果立例唔準賣野賣得貴, 咁就完全違背市場自由. 而家只能夠怪你(傳銷商)唔夠眼光, 的貨咁貴你都入貨.
所以,我覺得應該1) 立例唔可以"多層式"直銷, 即係好似大陸咁. 即係咁準有上線下線.
2) 教育, 中三中四應該加多一科, 生活科, 教下的生活常識, 例如呢的層壓式,老鼠會呀等讀唔上書要出黎做野既細路,唔會咁易奶野.

你用下腦啦~呢間公司係要去幫你搞好你ga身體同健康~佢地無一個人會叫你賣貨出去~佢地有顧問幫你做完身體檢查.再安排你要食咩天然食品.咁人地專為你去定ga食品.就算佢地有人叫你賣比人都無用啦~你唔好知小小扮代表啦~

to 匿名: 法律上依2間公司係無犯法及無呃人的, 因佢地有貨品, 一買一賣, 正常商業買賣. 同埋做任何生意都一定設計周密及步處好, 所以都唔可以話依間公司呃人既.

但應該話係裡面做緊的人, 自己呃自己多d. 佢地係咁同人講搵到好多$$但又係咁問d朋友借$$渡日(因為佢地大部分人都係借$$開戶口的, 相信好多人仲爭緊財務公司或銀行$$). 所以你不如擔心佢地係咁揾你叫你去借$仲好喇.

因為佢地根本無觸犯商業條例，出面某啲負面新聞，都只係個別會員自己唔守公司所定立既規則啫，公司無問題，但會員太多人數，控制唔到佢地每個人做啲咩。一個例子，保險從業員，間唔中，睇報紙雜誌會見到會有人投訴，可能clam唔到錢，呢樣嗰樣，但事實係關公司事咩﹖唔關架，大公司一間，有事，白字黑字，係應賠就賠，但買主又有否清楚看一下自己有買啲咩，無買啲咩嗎﹖可能係買主有問題，亦可能係嗰位從業員問題，講得唔清唔楚，人地啱聽就只講嗰樣，只想做到生意，但都唔係個個保險從業員都係咁喎，而嗰啲會員，當有人報警，投拆，公司先會知有呢件事發生之嘛。而問題出响邊﹖都唔關公司事，係某啲會員唔守規則之嘛！