車胎氣壓一問

樓上嗰幾位根本就冇答到你究竟係點去check胎氣. 你首先要去汽車用品鋪頭買個胎計先. 最好係買電子, 因為耐用D同準確D. 如圖:

圖片參考：http://img.alibaba.com/photo/10595617/Ez_check_Digital_Tire_Pressure_Gauge.jpg

下面嗰條link係一個video教你點樣check胎氣, 不過有D資訊係漏咗嘅. 你可以喺打開門, 門柱位(可以係司機或乘客), 前座乘客抽屜, 或者打開入油蓋背面揾到類似以下一張貼紙, 上面列明前後胎氣要打幾多. User Manual 一定有寫.

圖片參考：http://www.nhtsa.dot.gov/cars/rules/rulings/tread/NPRM/Figure3.gif

新手通常未係好知個角度點攞, 好易放到少少氣出嚟. 其實只要留意車胎支氣塞嘅角度, 垂直插落去就得. 如果支塞夠長, 可以一隻手鉗住支氣塞, 揸胎計隻手就用姆指頂住胎計頂部, 食指托住胎計咀個位就會易D控制. 插實唔漏氣第兩秒到就可以閱讀個reading.
仲有係label上面顯示嘅氣壓磅數係指凍胎時. 如果你揸架車出去揸半個鐘到都可以多三磅! 所以揸車出去泵胎時最好先泵多三磅, 到下次開車時再check先再adjust.
http://www.ehow.com/how_112746_check-tire-pressure.html
同埋唔同意上面有人講話前28後30. 你都冇話你架係乜車又點可以咁武斷呢? 我所擁有過嘅車, 最低嘅前29後29又有, 最高嘅前35後38又有. 唔係架架車一樣嘅! 而且亦唔認同話要調校低D. 冇錯調低D係會同地面接觸面大D, 但胎入面嘅溫度亦隨住增高. 前幾年Ford Explorer嘅車胎爆裂事件就係同車廠所列嘅胎氣數字有關.
最好一個月(至少)check 一次. 而隨住天氣轉變, 氣溫變化, 胎氣都會變 (每凍5~6度C左右就會低一磅).

其實呢樣係冇一定
因為隻隻車胎都唔同 (車胎都有好多用途的, 跑車胎, 貨車胎, 越野胎....... etc)

車主手冊會有講, 只要留意一下便可以了
(通常會這樣寫: 36 psi, 32 psi.........etc)

但有一樣必須要留意, 車胎氣壓是會直接形響行車表現
太多會形響停車(因接觸路面的胎面減少), 太少會形響行車
最好跟足車廠建議的貽壓去打氣

再講多一樣野
如你開的是越野車, 當行走野外時
會有機會增加或減少胎壓去脫離困境的
(例如去沙漠, 便會減少車胎氣壓去行車............ etc)

車胎唔夠氣,行車才安全,只是比較食油而已.(比較貼地)
前胎28,後胎30才算正常.

一般車都會係司機車門位置貼上四條車胎應該打幾多胎氣