油漆一問....

油一層大約用4 - 5 公升就可以油晒全屋, 但油一層是不能遮蓋舊的顏色, 最少都要油2層先得.
如果你是由深色轉淺色的話, 就要先油一層白色底漆.
油室內當然是用排筆啦, 因為掃紋會幼細好多, 即係會靚好多, 千萬唔好用油碌, 因為滴油很勁, 所以會有排做清潔.
我唔知你之前是油什麼品牌的乳膠漆, 如之前是用平的乳膠漆, 就不過千萬唔好用貴的漆油, 因附著力問題, 用菊花牌乳膠漆便可, 我覺得你最好是用菊花牌, 因價錢中下, 質素好, 顏色多選擇, 施工容易, 是平價漆油中最好. 要唔要多功能漆油就自己決定, 用就當然會好D啦!
原先是油平的漆油為什麼不能再油貴的漆油? 主要原因是附著力問題, 在施工期間會不斷出現起泡問題, 單是這點已增加不少煩惱, 還有其他問題你要處理. 唔信可以試吓.
漆油方面 :
至於用甚麼品牌, ICI 內有好多個牌子, 但水貨多, 巴馬士的沒有水貨, 但比較貴, 日本漆原廠日本制做較好, 市面多數是本地或大陸制做. 而菊花牌就是本地制做.
現時最好是買多功能漆油, 多功能包括有防霉, 抗菌, 防水, 特強附著力等.

如利登 ----- 價錢平, 質素好, 但少顏色選擇.
多樂士 ----- 價錢中, 質素好, 顏色多選擇.
護牆漆 ----- 價錢中上, 質素好, 顏色多選擇, 施工較繁, 合理做價應該高些.
麗明珠 ----- 價錢高, 質素好, 顏色多選擇, 施工極繁, 冇人鍾意做.
巴馬士的 ----- 價錢高, 質素好, 顏色多選擇及色彩較鮮艷, 最大缺點是貴.
日本漆 ----- 價錢高, 質素好, 防水較好, 但太結會髹時掃痕粗.
菊花牌 ----- 價錢中下, 質素好, 顏色多選擇, 施工容易, 是平價漆油中最好.
以上資料希望可以幫到你, 如再有問題或不明白請補充!

咁就要睇下你係油乜野色, 如果你本身係深色, 要改淺色, 咁就可能會用多半倍至一倍油, 但如果本新都係淺色, 就會用少好多.
要視乎你用手掃漆定乳膠漆, 才決定用乜野掃啦!
其實你以上問題, 你先決定轉乜野色, 跟住去五金鋪跟佢講有多大及有少WALL, 佢大概會話你知要用多少桶油架喇.
ps: 乳膠漆要加水油, 所以冚色要油多幾次!