我想買個朋友間樓,不過有好多買賣樓宇的過程都不明白,所以希望各位人兄幫幫忙

我想你的朋友在講大話..
你朋友是用了層樓做抵押向銀行借錢, 或者叫做按左層樓, 換句話說層樓現在的業權雖然是他名下, 但張屋契其實在銀行保存, 直至他供完層樓, 或者叫還晒比筆借貸, 銀行才會把樓契交還給他, 中途如他斷供或不還款.. 層樓便會由銀行接收業權, 拍賣後, 賣款用作抵償欠債, 如仍不足之款項, 銀行會向他追討... 你知否他要供幾年???? 的確早還款, 可能要罰息, 但也不可以說是收很多息, 只不過他沒有了那筆流動資金吧...
中途如困業主把已按揭之物業轉賣, 他要向銀行贖回樓契才可成交, 甚至可以話他買賣層樓都要向銀行申報, 賣樓得到之款項先要償還給銀行, 有剩他落袋, 不足之數他要填補, 才可以取回樓契完成買賣...
其實你朋友任何時候都可以賣層樓, 如上述第二段, 不過如果他現在就賣了, 便要還款給銀行, 他實際取得的現金未必多囉.... 五年後是咩世界??? 邊有成交期咁耐的買賣呀?? 你依家比三十萬佢, 變相比三十萬現金佢週轉, 咁立臨時買賣時, 有沒有寫明, 如果某一方到時未能完成交易, 例如到時你沒有錢, 又或者到時業主唔想賣 (或者佢到時都無能力贖樓呢??) 咁點先??? 你可唔可以攞番三十萬 (要連三年的利息), 定係你到時唔繼續買賣, 佢可以剎你訂???????????? 嗰三十萬訂不是銀行收你的, 如果到時佢斷供, 銀行唔會承應你同業主之前的買賣合約的.....
何況, 旺角的舊樓大把貨....亦唔見得舊樓的後市很可觀..... 難聽講句....你朋友唔熟唔食... 就算佢真係5年後賣層樓比你... 佢都使左你個三十萬成三年啦... 仲可以賺埋三年租比人的租金添..... 何妨層樓舊成點?? 5年後的折舊率有沒有計算??
你倒不如多到旺角的地產看看現在市場的動向, 睇多幾層樓吧.... 比較下, 順便問下地產有關買賣成交之事...識多d睇多d仲好啦...

買樓資料
http://cheungkathy.sinaman.com/property.html

你朋友用兩層按俾銀行借100萬, 你想買其中一間約 70~80萬. 估計你購買的價錢一定能夠 cover 其中一個單位的按揭. 提早贖樓確實是要罰息, 但並不是佢所講既好多錢, 咪按揭價既3% 左右.
又另一可能性, 就係你朋友既兩個單位, 其實原本係一個單位, 只不過改過, 又未做好分契手續. 如果要只賣一間, 就一定要贖左成張契返來先可以做. 不過這個可能性實在不高.
你朋友叫你先付三十萬做首期等5年先轉名, 這個情況對你 "非常不利", 因為層樓有按揭在身, 要是你朋友斷供, 你就什麼都冇.
我並不建議你購入你朋友的單位. 因為無論情況如何, 你血本無歸的機會太大 . 建議你不如出外睇其他單位.

擺明坤你啦 , 仲叫你比住30萬首期 , 到時佢無錢還銀行欠款 ,
你仲要同銀行和律師講耶穌 , 萬一佢宣佈埋破產 , 銀行同你分
身家你可能渣都無 , 因為銀行欠款通常都係第一債權人 , 理
得你比左幾錢首期 , 曾樓仲係佢名都無你份 , 到時要慢慢同
佢打官司 , 咁你真係拿屎上身啦 . 何必自尋煩惱 , 女死女還在,
樓賣樓仲有 , 買過第間啦 .

您咁樣會好危險的。我會比意見您放棄層樓囉！無其他選擇嗎？可以買佢附近都可以不是差太遠價錢吧！而您朋友因是用兩層樓來按100萬，所以佢一定要還清一百萬才可贖回兩層樓，而您又先付三十萬訂金首期，個真正成交期又要去到五年，太大風險了。萬一當中有什麼突發事件也會影響到自己而招致損失就唔值啦！如果您非買不可，可以有一個做法就是首期放在律師樓度看管，直至成交時d契無問題才比賣家，但老實講您朋友會肯嗎？因對佢來說作用不不大。而您問到話如果佢中途唔供款會點？會先比銀行拍賣後還清銀行的債項後才輪到您囉，因您只是屬第二債權人，不過我勸您都係唔好諗啦！費事擔驚受怕去買層樓啦！

你好,我三月的時候買左樓,不如我話下我的過程比你聽,希望幫到你啦
我三月的時候去找地產經紀,先睇樓,睇中左之過就簽臨時買賣合約,下了細諚,一個月內下大諚,之後我要按比銀行,所以要等銀行批,到銀行批左之後就交吉了.
我睇你呢,都係搵個律師問清潔先好,因為我知交吉的話,你朋友要去銀行贖樓先可以同你交易的,小心d好呀!!到時講錢失,感情呢~~