我資金唔夠

有冇聽過「香港青年創業計劃 」???

任何 18 至 35 歲香港青年，符合以下資格者，均可提交申請：

‧ 香港永久居民；

‧ 具備一年內開業的完整商業計劃 或 已開業不多於三年的完整商業
計劃及營運報告；及

‧ 具開創及經營個人業務的決心而缺乏開展業務資金


4 項主要服務:
1. 創業啟動金 - 成功申請者將可獲得不高於港幣十萬圓的貸款，作為開展業務的本金。借貸總額將由評審團按個別計劃作出決定 ( 個別計劃的獲批貸款額將有所不同 ) 。

2. 創業指導及專業諮詢 - 創業導師由創業家、工商機構的高級行政人員、顧問及專業人士擔任。他們將貢獻時間、專業知識和經驗，成為青年創業者的義務商業營運顧問。並安排工貿團體及商業服務機構，為青年創業者提供專業顧問服務。

3. 業務支援 - 為青年創業者 提供或協助聯繫於業務運作時所須的硬件、資源及支援，並為青年創業者建立商業網絡。

4. 資訊及網絡 - 為青年創業者提供工業、貿易、財務及法律等資訊，作為基本商業營運資料；此外亦提供渠道，協助他們進入本地工商業網絡。

網址↓
http://www.yen.org.hk/ybhk/new/index.htm

10萬或以下既生意可以試下申請呢個 , 10萬免息借比你嫁^^
不過一年批三次申請嫁咋 , 7月16日係今期既截止日期，錯過左
就要等到11月15日嫁啦^^ 希望幫到你啦

介紹一個賺錢網給你~
呢個係我唯一一個玩過而有錢收ge問卷調查網,你都試吓玩呀~
http://www.51poll.hk/member_hk/[email protected]

方案一 ) 大耳窿
好處係條數還極都還唔清，令你確立人生唯一目標----還錢。
唔好處就數到聽朝都數唔晒，所以極度極度唔見議呢個方案。

方案一 ) 碌咭
一咭傍身、債務纏身。大吉利事講句，如果日後你生意唔好，
個個月仲要要還錢，你都咪話唔慘。唔見議行呢個方法。

方案三 ) 財務公司
正所謂.."情與義、值千金"，搵咩咩兄弟同其他公司都會幫到你。
現金好快到手，手續比一般銀行簡單，不過你有可能要比較為高既
利息。

方案四 ) 問銀行借
去銀行申請私人貸款。雖然手續麻麻煩煩，但麻煩過後唔代表佢地
一定借。我試過搵唔相熟既銀行做按揭，又要睇過去幾個月既月結
單，仲要睇稅單，又要咩公司信....。由於我果陣去左美國幾年，
而由美國返左香港只係幾個月，又係一間Partnership既公司股東，
公司信冇力，之後又要睇我公司既 financial statements，....
攪左好耐都係掙呢樣掙果樣。最終我搵我家姐做擔保人先攪得掂!
你問銀行借，銀行都要睇你既還款能力、評估下借比你既風險。
你頂手間鋪之後係咪仲會有一份穩定既收入可以還錢呢?
如果你有物業在手，都可以考慮加按。如果你有好既Business Plan
，有d銀行都可能會buy你既。

方案五 ) 當田賣地
將你所有值錢既野賣晒佢吐現: 名牌手錶、手袋、金器、鑽戒、
手機、音響、綿被、底褲.......通通交晒比二叔公。將自己既野
賣得就賣吐現都係好方法，至少係靠你自己去融資。

方案六 ) 搵朋友幫拖
人生有個真正朋友的確好極。不過記得借左要還比人，人家係借比你
完成你既心願唔係比你。你要責任要還錢，就算最終你生意失敗，
你都要還。輸左錢事小，輸左人格以後要搵人財政上幫你都幾難。

方案七 ) 問家人借
一家人嘛! 你做正經野而如果佢地手頭又鬆鬆地既，借比你應該冇問
題。而在營運上你家人可能都會比到D意見你。

方案八 ) 四四六六拆掂佢
同依家個鋪頭老細商量下，睇下可唔可以分幾期比佢。之後你發力
去run你既生意去還錢比佢。

方案九 ) 搵人入股
都不失為一個好方法。你問得呢個問題，我估你做生意既經驗唔多。
搵人part可以減低風險又可以試下。

方案十 ) 量力而為，睇餸食飯
做生意既機會好多，大有大做、細有細做。你咪搵d你能力負擔得黎
既項目去攪。賽翁失馬、焉知非幅。

方案十一 ) 不變應萬變，維持原狀
機會多的是，先按兵不動，唔好未有糧草就上戰場。休養生息，
保留食力，靜候另一個機會。



小本經營既生意好難同大資本競爭。如果有好既idea，一試無妨;
但係...如果對你想攪既生意冇咩特別既認識，見議都係打份工算數。

做小本生意仔好困身，"假期" 一詞將會成為歷史。工作時間超長，
但係工時同收入唔一定會掛勾。唔係人人都可以捱得過創業初期既
寒冬期，特別係資本唔多既小生意。

打工 = 有收入
失業 = 零收入
創業初期 = 負收入 (可能維持一段長時間)

祝你好運..

同人夾份做?
一係同屋企人傾下
我諗唔夠既話就應該同銀行借都得既
唔好太大筆數 如果唔係有事上黎都有排還要保障後路