以下呢4種語言,邊種最易學??

個人認為係咁樣排：3→4→2→1(由最易到最深)
第一次學外語最好就學西班牙文或者法文，因為呢兩種文字都有好多人用，而且唔算太難學。
不過，如果你學西班牙文，你再學意大利文就會容易好多，因為兩者文法極之接近，你學識其中一樣就可以話等如學識另外一種嘅一半。
由於我本人學緊西班牙文，所以我推介你學西班牙文先，因為有啲生字同英文好相似，而且發音唔難。
西班牙文啲文法係會同英文有啲出入，而且有一樣叫Subjunctive嘅嘢，呢樣嘢對於初學者嚟講簡直係惡夢(起碼對於我嚟講係惡夢)，不過過一排就可以掌握。
法文自問認識不深，只係知道佢係被譽為最浪漫嘅語言同埋香港會考有得考，其他真係唔係太認識，所以幫唔到你太多。
至於德文，我就奉勸你推遲啲先學，因為一來啲讀音好難讀得準，我自己識得一個人係喺大學讀德文嘅，佢嗰啲德文嘅發音我真係學極都學唔到，而且德文嘅文法係呢度四種之中最深嘅，學語言最好由淺入深，所以真係希望你唔好諗學德文住。

如果你想學晒四種語文，我都建議先後次序係：3→4→2→1，甚至可以skip左4，因為西班牙文同意大利文無論詞彙同文法都十分相似，識其中一種基本上都可以同當地人溝通，而西班牙文的發音同拼音比意大利文容易，而且通行的國家比較多，所以最好學西班牙文先。

法文絶對比西班牙難。首先係串字方面，西班牙文基本上見咩讀詳，所以識讀就識串，法文就唔同，好多省略，好多唔讀出聲，要記多好多野。

發音方面，西班牙文最難不過係捲脷，不過就算你捲得唔夠勁，都唔會點產生誤會，亦冇咩人歧視你。但係法文除左喉音，仲有鼻音，難掌握好多。

詞彙方面，西班牙文的確有好多同英文好相似，所以呢方面都係西班牙文比較易。

至於德文，個喉音的確係難發，我學左幾年都係發唔準。之不過，你基本冇咩必要發得好準，因為冇咩音同佢個 r 音相似，人地一聽就知你係想發 r音，唔會誤會，德國人亦唔介意。所以發音反而唔係大問題。

德文同英文有好多字相似甚至相同，詞彙方面其實同西班牙差不多易學。德文仲有一個好處，就係有時D慣用語同詞語搭配可以由英文硬譯過來就可以。另外三個語文就唔得勒。

如果你淨係得個暑假，就讀西班牙文啦，但如果你有番一年半載時間，德文都係個好選擇。

A.2,3,1,4
B.2,1,4,3

最淺到最深
2,3,4,1
最淺理由:
法文D文法同發音都相似英文,所以最易學