男仔係唔係唔會CARE人地講自己的是非，如果太CARE就好女人型?

✔ 最佳答案

俗語郪講口係人地嘅,人地要點講都無辦法制止,通常係你越介意人家更喜歡講多d!
其實同事之間的是非唔應該同上司講,有時人地批評自己都要反省是否人地講得啱,如果自己真係無人咁醒就請教d有經驗同事點做好d囉!
上司只負責安排分配工作,你地同事間要拍擋合作至得,有時自己唔明就問清楚,或者自己真係無人咁叻,被人話笨都忍氣吞聲萛啦,如果乜都同上司投訢,就好容易被人誤會你係篤人背脊做金手指呀!
其實上司咁講唔係男女唔平等,係想鼓勵你男仔大方d,咪學女仔咁小氣! 如果你係女仔,佢都會講女仔要忍氣d,咪學男仔咁乜都唔忍得!
出來做事盡量俾心機,是否盡力人家會看見,其他是非人地講乜不必介意,若自己有做錯就改,無做錯就唔使理咁多,最緊要想想點樣將工作做得更好!
成日想住男仔女仔是否平等有乜意思吖,想得多都盞想壞腦啦!

2007-07-05 13:01:48 補充：
可能我咁講你會以為我唔同情你,我都知道你同上司講不過係想呻下啫!其實上司咁講都係隨便回應,無乜特別針對你係男仔女仔,因為男女的性格同想法係多數有d唔一樣,唔使理佢是否平等呢個問題噃!如果以後有d關於人際關係問題唔知點應付,可以再提出大家討論,或者由網友通訊問我都可以吖!希望我的經驗可以幚到有需要的朋友,選唔選我答案,有沒有分無所謂的!

男仔係唔係唔會CARE人地講自己的是非，如果太CARE就好女人型?

回答 (2)