屯門倚嶺南庭好唔好住? 樓價如何?

倚嶺南庭係幾好住架...呎數夠...有露台..亦都比對面聚康個露台大...有幾個單位係向正嶺南大學...對正泳池..個view一流...唯一係交通比較不方便...得幾架巴士出荃灣 同 mk...不過如果你係附近返工就no problem啦

另外食店都唔係太多...得富泰村有野食...當然可以出番屯門市中心食.大把野食...但有時肚餓起上黎想即刻有得食就比較少選擇...

2007-07-03 16:21:43 補充：
樓價方面..近期成交左一個向嶺南大學ge單位...好似2500-2600蚊一呎...如果要向嶺南大學應該大約都係呢d價錢...如果向富泰個d單位就平好多...不過個view就........唔得囉參考資料: 美聯地產網

我八卦講兩句 , 果時因為炒聚康山莊炒得好熱 , 倚嶺南庭一出都以為
有得炒 , 加上地產代理推高 , 所以倚嶺可以話係重災區 , 自住買貴左,
炒家又 PK 晒, 所以依家價錢唔會抵得去邊 , 不如你去睇下聚康山莊 ,
仲近嶺南大學啦 , 早期買入同依家差唔多價戔 , 間中都有炒家蝕少少
放盤 , 新鴻基樓質素又好 , 好過倚嶺好多耶 .

我係地產agent,希望答到你問題啦.

老實講,我就覺得麻麻地啦,非常唔實用,所謂700幾800呎兩房,實用都係得500呎左右,簡直細到嚇死人.搭車又少選擇,落街買野食野都唔係太方便.早排發展商都要暗地裡減價,先至可以清晒全部幾十件貨尾.

不過,望嶺南單位,景觀的確係幾開揚舒服,方向又好,因為向南,呢樣值得一讚.

樓價方面,近一年來成交單位都是發展商貨尾居多,向嶺南的E至J單位,呎價由$2000至$2600左右,樓價由160幾萬至250萬左右.( 2房呎數由757'起,GH單位係三房,1003'至1010' )

疊茵庭,單位面積真係好細,實用唔高,不過規模大,有會所,搭車買野同倚嶺差不多.

我個人建議,買倚嶺,不如買隔離的聚康山莊,話晒係新鴻基樓,樓齡又差不多,起碼實用D,會所都大少少.其次係豫豐花園,雖然單位比較細少少,但望內園景觀都幾好.

如果唔嫌樓齡高,碼頭區都係一個好選擇,例如啟豐園,海翠花園,邁亞美海灣等等,景觀好,搭車都OK方便,買野食野有多好多選擇.

希望解答到你問題啦,如果你想知多D,可以E-MAIL再傾,MY [email protected]