國奧足是茅還是勇？

我某程度上同意第一位回答者講嘅嘢，國奧隊真係好大壓力，不過，我就唔係好同意呢個係佢哋成日攞紅牌嘅原因。大家諗下，科特迪瓦(即係發問者講嘅象牙海岸)、喀麥隆等呢啲非洲國家一樣都係好窮，唔踢波亦都好難為屋企脫貧，科特迪瓦更加有內亂(我唔知算唔算內戰，不過有隊游擊隊成日同政府軍開火)，又唔見佢哋成日攞牌？再講遠啲，巴西球員嘅壓力更加大啦，成個國家大大話話都有成幾十萬甚至幾百萬人踢波踢得好勁，咁嗰班國家隊隊員咪更加大壓力，不過話雖如此，我哋又唔係好覺巴西成日都有人攞牌喎，咁已經可以證明其實係國奧隊自己茅波兼「屎」波，唔夠人踢就用超技術，俾人撩就發火打人，好明顯就係自己連一個球員應有嘅冷靜同埋品德都無，呢啲人根本唔應該踢波。
至於發問者問佢哋係唔係情有可原，我覺得完全唔係，而大陸傳媒亦都唔應該幫佢哋講好說話，因為佢哋一日繼續得到縱容，佢哋一日都唔會改，唔會反省，喺球場上出手打人已經唔啱，賽後仍然要賴對手撒賴就更加唔啱，人哋撩你，唔代表你要還手，連脾氣都控制唔住，唔該就上完啲情緒控制課程先嚟踢波啦！

你用埋d咁粗的字,好難頂

其實我覺得佢地唔係茅既...
一來你要體諒下佢地係大陸...
輸左波真係可以冇飯食...以後冇得立足...冇人打...真係唔出奇...
大陸同香港真係好唔同..
加上佢地係國家隊未來希望...更係有好多壓力嫁喇..!!
所以當佢地一踢唔出水準...又比人話..
咁咪要出多2分力...過左火都唔知..
畢竟佢地年幾重係好輕..所以唔怪得佢地..
佢地又唔係茅既..!!

同埋另一個問題係....
佢地要習慣同外國隊踢法...
人地真係唔係讓你去...每次都係同你打過咁滯..
所以佢地要踢得狠少少...先發制人...
但係有時比人踢返佢地又唔順氣...

所以我覺得佢地之所以咁係因為佢地[[年幾+壓力]]
就搞成咁...