敬請有識之士指點:何謂推頭;又可否換low低彈簧而不換避震.

推頭係不足轉向嘅俗稱, 即係前轆同地面失去抓著力. 詳細解釋可以去下面條link. 我之前都有解答過. 註: 唔係剩係前輪帶動嘅車先會轉向不足.
http://hk.knowledge.yahoo.com/question/?qid=7007052103847
你睇完我上面條link嘅解釋, 其實就可以自己推斷點解用頭窄尾闊呔會推頭. 因為前呔窄的話, 咁前面呔同地面嘅接觸就比後面少, 即係本身已經做到前面抓著力比後面少, 咁架車自然推頭. 大馬力後驅車用前窄後闊嘅原因就係因為怕後面唔夠呔去提供抓著力去將D馬力釋放喺條馬路度, 轉彎時導致甩尾, 所以先要用條闊D嘅呔去改善. 你頭轆車用前窄後闊根本冇幫助, 出到去可能會比人笑你外行添! 至於話咩車速先會明顯, 咁當然係越快轉彎就越明顯啦, 因為係要同地面失去抓著力先會出現推頭或者甩尾嘛!
關於只係換low車彈弓唔換避震器, 我喺以下呢條link 解答過. 主要都係要睇番你low 車條彈弓low幾多, 同埋你本身條原廠避震嘅狀態同行程長短而定. 如果太短嘅話條避震未必適合長期壓縮咗嘅行駛工作狀態, 就會令到條避震漏油/漏氣, 影響操控同舒適(這是對車輛性能的影響, 可輕微可嚴重, 視乎你架車狀態), 避震亦過早打柴. 我諗樓上嗰位係誤會咗你嘅問題, 以為你係就咁cut短條避震.
http://hk.knowledge.yahoo.com/question/?qid=7007052103786
其實唔好胡亂用攪牙避震, 因為一般喺街揸根本唔需要用到咁硬嘅避震, 盞自己同其他乘客坐得唔舒服. 我自己幾架車都係落場玩track day嗰架先落攪牙. 用合適嘅短身彈弓同避震機已經可以做到改善操控同外觀呢兩點. 利用前後改動咗硬度嘅短身彈弓都會改善推頭嘅情況.

2007-07-05 09:39:25 補充：
樓下嗰位未免太杞人憂天喇首先改車唔一定係唔合法.要睇你點改第二, 積木車同改車係兩回事, 唔可以混為一談

「 改車唔一定係唔合法.要睇你點改 」 ?
願聞其詳 !

千其唔好改車，這是很危險及違法的！如何危險？因你的車的車架未必可承受得起你改裝後所承受速度或新的避震壓力而另車失控！

之前有個新牌仔駕駛一架積木車失控死亡，唔好改車！

推頭意指車吠差多就失去抓地力(就甩)而能在控制中情況，推頭只在於FF(頭驅)車出現，而low低彈簧是可以的，即到內(cut 彈簧)，但呢種方只係虛有其表，只見部車low低左，而係原裝避振好易打紫，個塔頂同車架都好傷，最好都換套絞牙啦