about hku住hall

如果你唔想太分心，可以考慮住新hall，即孫志新堂、李兆基堂同馬禮信堂(男hall)，呢三間hall因為比較新，所以hall culture比較冇咁強烈，但順帶一提，近年有聞新hall開始轉型建立自己既hall文化，活動開始越來越多，有d運動項目更會出現於inter-hall比賽，所以會唔會好分心就見仁見智了。另外呢三間hall都唔喺campus入面，但都屬於近，步行至campus大約只需要8-10分鐘路程。
Starr Hall已成立7年，舍堂文化的建立漸見成熟，好多文化及運動隊伍都會參與inter-hall比賽，所以唔好expect住Starr Hall會冇咁分心，因為裡面既活動都頗多的。有興趣可以睇下Starr Hall個網頁：http://www.hku.hk/starr/
入hall住其實唔難，你冇講錯，唔一定住得遠就一定有得住，因為我見過有人住沙田都住唔到，住西寶城反而有得住，關鍵在於interview時既表現，你要show到自己各方面既長處，例如搞活動既經驗，以前係文化/運動校隊等等，總之要令interview panel覺得你會對佢地間hall有所貢獻。
填application form嗰陣最好將你個屋企面積寫細d，令到平均每人所佔既住屋面積縮小，返學所需時間都儘量寫長少少，咁樣會顯得你對住hall既需求比其他人大，從而符合住hall既requirement，亦因為咁，如果你本身住緊比較富裕豪華既屋苑，住hall就比較難了，因為從hall既角度嚟講，宿位只係會分配俾有需要既人。
以上只係我個人意見同小小既心得，住唔住到hall始終要睇返你本身interview表現同埋其他人報hall既情況。

2007-07-05 01:36:56 補充：
都唔一定咁講，只係因為聽聞Starr Hall多數收啲成績比較好既同學，好多本身讀書資質好既人都會玩好多活動，但成績依然好好，因此唔可以用風氣嚟形容，而讀書風氣我就覺得間間hall都大同小異。

Starr Hall Hku