如何查證波衫是否(Code7球員落場版)?

Nike 先會係code 7落場版, adidas或其他牌子係唔關code 7事。

Code 7即係個tag有一組以7字行頭o既產品編號, 唔係全新/剪咗牌就見唔到。球員版同球迷版分別年年都唔同, 好似Nike04年開始球員版大部份都有無縫設計, 即係用熱力黏合某d接口。係一個好容易揾o既分別。03年我記得應該係洗衣label旁邊如果係球員版就唔會有個黑色tag, 球迷版就會有。02年出果d有兩層, 即係面果層入面仲有一層吸汗用o既網布, 但亦有單層版。再之前就唔知喇

Adidas就係00-02球員版上面有Equipment字樣o既膠牌仔, 02-06球員版球衣都係有雙層, 06年至今就係衫o既左下角同右下角, 如果係球迷版會有膠制防偽標籤, 同埋climacool字樣。落場版就唔會有防偽標籤, climacool個位變成formotion, 係一個好明顯o既分別。另外formotion落場版部份會用燙膠做膊頭上o既三間, 但亦有好多同球迷版一樣用繡三間。formotion球員版多數都有無縫, 但我亦見過全件都有縫o既formotion球衣, 所以唔一定。

以上講o既都係果d牌子於個別年份o既主要款式特徵。其他牌子我知少少但唔詳細。

如果係Match Worn, 國際賽/盃賽o既決賽可能仲會有球賽資料印o係球衣上, 另外球員版印字Size亦係同球迷版唔同o既~有時球員會著球迷版球衣落場, 所以唔一定只有球員版會係Match Worn。

我個人應為落場版要有以下條件
1.印字為絨字
2.齊章(都係繡既)
3.臂章兩邊有
4.對應不同聯賽盃賽配不同印字

以上只為個人意見