✔ 最佳答案
我上年考過IELTS，我大約用左一個月時間黎準備，成績係6.5 (oral, writing, listening --6, reading ---8)
我諗，首先你要知道自己既英文水平去到邊，搵出自己既強弱項，然後再件針對性既訓練。我當中，先做一份PAST PAPER(當然無ORAL)，睇下自己邊PART OK邊PART唔OK，亦都睇下邊PART難D，咁做完之後，弱個D再做多四五個練習 (我就係LISTENING好弱，所以做左好多次)，而我READING OK (因為讀大學實在睇左太多英文書)，所以做左兩三個練習就停，淨係操LISTENING。而練ORAL，睇下你學校或者身邊有無外國人，同佢地傾多D偈，會有幫助
不如等我講講4份卷既心得：
LISTENING --> 程度有深有淺，分三至四個SECTIONS，第一個SECTION係超易，我諗全場人都可以攞到8分以上 (10分滿分, 咁如果你做完練習發覺自己第一PART都唔夠8分，咁你有D危險)。第二三個SECTION, 難度一下子提高，會開始跟唔上/聽唔明/唔識答，我考既時侯有一個SECTION﹐我聽左頭三條後跟唔到之後個七條，搞到我要亂撞答案。最後一PART，有填充 (講漏左，之前係MC題)，咁難度再變相提高。不過，綜合整份卷，難度低於HKAL既UE，但俾HKCEE高。
READING --> 可能我讀U時真係睇左好多書(一個SEM都三十幾本)，我覺得唔難，難度同HKCEE差唔多，而題目大致上係分析題，問題亦唔會跟著課文咁落，難字就每篇都有幾個，但應該無阻去理解整句或整段既意思。你做多少少練習，就會明白個難度。
WRITING --> 呢份我都中左計，基本上題目都係一D ARGUMENTATIVE既題目，我個年係講政商界或政府應否贊助體育運動(大約係咁，唔記得)，所以分析力OK，基本上唔會無野寫，但要小心既係時間要比較趕 (因為listening, reading, writing係連著落，又要晨咁早起身考，精神同體力不斷下降之餘，速度都會慢左)，同埋記著一定要KEEP住用D靚字同難字!!!!!!!!! 我個陣時寫，寫得好開心，好似平時答考試咁寫，但寫完交卷時先記得呢份卷既睇內容亦睇文筆，我想改都無時間，所以分數唔太好。你考個陣時記著先貯定一D靚字到時用返出黎，一定有分加。
ORAL --> 同外國人或英文好勁既中國人傾偈。首先佢會問你D基本資料，例如名個D。記著唔好講錯自己個名，我有個FRIEND試過對方問佢個名問左三次。然後傾一陣閒偈，例如興趣個D。跟著就會俾張咭仔你，上面有個TOPIC，然後有半至一分鐘時闁準備(都係唔記得左)，之後你就要講講有關該TOPIC既野，咁你講完後個考官又會同你傾下相關既野，直至考試完結。個人心得：如果遇到外國人，不妨傾得放D，話題同有趣為首要︳文法其次；但遇到華人考官，因為一般都會捉文法捉得好緊，所以就要以文法唔出錯為主。當然啦，你要去到間房先會佑考官係咩人。
最後，提議你帶定一D解悶用品，因為有可能係頭三份卷考朝早(咁呢個係一定既)，但係ORAL就5點先考。之間有成5個鐘，都唔知做咩好(我當時係尖咀考2點幾，我帶左本英文書係海傍度讀，練熟條脷)，所以聽下英文歌，或者講下英文都好，因為一來做足熱身先去，二來可以解下悶。
由於我本身都唔係勁，所以俾唔到咩攞GRADE 8以上既心得你，但希望我既經驗會幫到你啦。
