✔ 最佳答案
隻鼠受傷之後,有傷口好易會被細菌感染,從而令佢全身甩毛,又或有d寄生虫附左上鼠鼠既身,都會有咁既情況,而受驚都有機會令鼠鼠甩毛
而皮膚病未必會令鼠鼠冇精神既,佢外傷好左既時候,加上佢又受驚,行動快左並唔出奇
你4隻鼠一齊住既?有打交仲有病,其實應該將佢地分籠,以免再打交or傳染皮膚病
A.有幾樣野需要留意:
1)會唔會轉左木糠or用有味木糠?
受傷後更易令鼠鼠皮膚敏感呢
2)鼠鼠會唔會有血尿?
膀胱or腎有問題都會有血尿,而尿會有真菌,真菌係會令鼠鼠大量甩毛
3)籠會唔會好污糟?
唔知你係咪將4隻鼠放埋一齊,一籠多鼠係特別地污糟,加上天氣熱,而受傷既鼠抵抗力低,就易患上皮膚病
4)食物or草會唔會有寄生虫?
夏天食物較易出現問題,有時有小昆虫都唔係咁易睇到,所以要檢查同留意食物同草之中會唔會有問題,買既時候都要小心
B.甩晒毛既情況比較嚴重,最好可以帶佢睇醫生啦,睇醫生既話可以考慮一下:
愛護動物協會診所資料:
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html
C.如果唔會睇醫生既話,可以試下做以下既事:(睇醫生都要留意以下1,2,5點)
1)有第隻鼠既話要分籠
2)有皮膚病就要保持個籠乾爽清潔
3)同鼠鼠每日用藥性沖涼粉沖涼,之後噴/搽藥皮膚病既藥水,藥水應該好多有賣鼠用品既地方都會有,買既時候記得睇下有效日期.
藥水噴落傷口既時候,鼠鼠既反應會好大,我諗應該幾痛啦,所以下次噴就會更難,鼠鼠會反抗愈唻愈大,小心d唔好因為咁而噴到鼠鼠既眼耳口鼻.如果脫毛既地方接近頭部/擔心會噴得唔好,就可以用棉花棒同鼠鼠搽藥.
4)曾見過有俾鼠鼠飲既皮膚病藥水,叫"美毛素",如果買到都可以加入鼠鼠飲用既水度俾鼠鼠飲,雖然效果比較慢,但唔洗噴藥咁難.價錢就比較貴,大約$55-70,買既時候記得睇下有效日期.
5)唔好俾零食俾鼠鼠食,戒下口先,曾經有鼠店既人話,食人食既食物都會引致有皮膚病,而人既食物其實一般都唔適合鼠鼠,所以唔俾鼠鼠食都係好既.
6)檢查下鼠鼠排尿有冇問題,膀胱or腎有事都會令鼠鼠有皮膚病
D.但如果佢既外傷仲未好返,就建議你處理左佢既外傷先
咁耐應該唔會仲流血吧?一般鼠鼠有傷口既處理方法:
1)最好都係睇醫生先,始終問題唔輕咁
2)同其他鼠分籠,因為鼠鼠係獨居動物,好易出現打交情況,如果受左傷仲勉強佢地一齊,會令情況更嚴重
3)冇受傷既鼠都要檢查下有冇事
4)保持個籠乾爽清潔,避免細菌感染
5)可以買外用外傷藥同佢噴,都內服既"外傷素",但效果就冇咁快
E.另外,,希望你可以考慮一籠一鼠,原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既.
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢.
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢.
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦.
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶.
2007-07-04 00:38:41 補充：
你話血已經冇流,即係仲有傷口?有傷口就唔可以處理皮膚問題先,有傷口就用住普通沖涼粉先其實人同動物都係,長期咁飲礦泉水係冇益既,好多報告都有咁講,一般礦泉水都係太多礦物同細菌,都有令人甩頭髮既情況已受傷既鼠係好易被細菌感染,唔可以同其他冇事既鼠去比較,皮膚病唔係咁易致命,但可能會因佢冇毛,而有其他細菌感染問題我都見過你所講冇晒毛既鼠,真係好難自己去處理,最好帶佢睇下醫生,愛護動物協會既醫療車都唔會好貴,又唔洗入會,自己買藥都唔少錢而家3隻鼠冇問題,我係擔心忽然有問題,打死先知就大件事
2007-07-06 21:55:02 補充：
樓下講既藥就係我所講既,但有傷口記得唔好用住,唔係就太刺激
