關於汽車電池冇電,除左叫其他車用過江龍之外,仲有冇其他手提裝置可以撻翻著架車呢??

有. 英文叫Portable Jump Starter, 我諗中文叫"手提緊急電池义電器"掛. 用法係喺屋企义好個Portable Jump Starter先, 之後就可以攞出架車度隨時义著架車. 舊式嘅如圖1要打開車頭蓋直接义落舊電池度, 新式嘅如圖2可以插落汽車入面圓形個電源位置(即係點煙嗰舊嘢個窿)就可以發動引擎. 有D portable charger甚至會有氣泵可以泵胎氣, 同埋有電燈.
價錢大概三百零蚊左右啦
圖1 (from export-forum.com)

圖片參考：http://www.export-forum.com/china/images/automotive/auto_jump_starter_JS-A_front_14.50.jpg

圖2 (from homedepot.com)

圖片參考：http://www.homedepot.com/catalog/productImage/19b5ba98-f0d9-43de-a735-fb5fdad75733_300.jpg


2007-07-03 10:03:41 補充：
唔同意博士嘅講法. 喺外國而家好多Roadside Assistance 嘅車都會先用呢個產品去jump車. 只要買個產品夠Amp數就得. 义滿電一次過可以jump三十部車到. 買呢D嘢都係應急嘅啫.同埋你地講嘅推車撻翻著架車方法,如果係新D嘅車同埋個電池完全冇電嘅話都係唔得.因為現代嘅alternator唔係用永久磁石,而係用電線線圈去代替.電線線圈點都要用少少電去推動.

除過江龍外,有種叫 Portable J. S.
但我未用過,而樓上位大哥有圖文,
可以參考一吓.
另外你部車是 1. 自動波, 定 2. 棍波.
1. 自動波
只可以用過江龍, P.J.S ,換個新電,
或差滿個電池外,就無其他方法.
2. 棍波
除以上方法外, 是可以推或溜着部車.
條件是打藍磨 (發電機 )運作正常.
只是無電,而又無其他有車人士幫忙.
圖片參考：http://hk.yimg.com/i/icon/16/17.gif

方法一: 推
平路 如果只有你一個人,比較麻煩少少.
先入空波,開車門然後用力推,
一隻手要放在軚盤上,
當有一定速度時,立刻上車,
速入２波,就有機會着車.
斜路 向前斜
就方便好多,入好２波,
踏低極力子, 鬆手制.
部車就自然向前溜,
到有一定車速 ( 10咪左右 ),
放腳 (極力子 ) 就會着車.
斜路 向後
方波同斜路向前一樣,
將入２波改為入後波,
就可以.
如果有其他朋友同行,
請他們幫忙推吓車啦.
着車後比大小小油.
這個是自救的方法,
希望幫到你!

如果是手波車可以推著車的！方法是先著車匙入二波，踩低極力子，叫人幫手推，車速在十公里左右就可以鬆開極力子，架車就會著！
另外上面朋友界紹果隻手提裝置，只可以谷一谷剛剛唔夠力著車的電池，如果是唔記得息燈而用盡電池，就無用！
買得果件野來用不如買過件新電放上車度仲好啦！

應該就冇其他方法...換咗舊電池/加電池水啦!你有冇走去check吓架車係唔係關電池事?可能係打藍磨有事喎....