選科啦！求你地幫下我啦！

其實要做護理員, 唔一定要有理科背景
如果你真係好想做既, 中五畢業已經可以去申請佢個護理員(學徒)職位
但係就算你揀文科都好
一定要睇多d同動物有關既書 (呢方面, 圖書館係你既好朋友~)
同埋讀好d中英文同普通話
因為入得去做既, 呢3種語言都會成日用到
除左成績, 佢地請人仲會睇好多其他野
特別係個人一定唔可以內向, 要唔怕辛苦 (係果度做其實都真係可以好辛苦)
做護理員, 要有愛心、耐心、刻苦耐勞, 最好仲要講得兩咀有表演欲!
如果係訓練海洋哺乳類果d(例如海豚海獅既護理員), 就最好快d去學埋游水喇!
好好把握呢2年讀書啦!
祝你好運~!

我覺得你應該揀文科，可以的話修理HUMAN BIO或者自修BIO，CE生物唔難架，除左會考，你可能仲有高考。如果你中三的數學科唔係太好，又或者你一向對數學冇興趣，咁我就勸你一心讀文科啦，因為中四中五的理科，科科都好要求要有好好的數學基礎，包括物理和化學，如果你學校以附加數為必修科就更加不用說了。
另外，文科的要求係語文科好，特別係英文，寫作方面要寫得好快。
我以前係學校做輔導生，做選科擇業方面的，有咩可以問我。

動物護理員如果係講緊照顧海洋生物果 d
海洋公園個招聘話<唔一定>要 bio background
有就最好咁解 je
如果你讀文科成績會比讀理科好好多
我覺得你應該讀文科囉
因為到最尾，海洋公園動物護理員呢份工要求 ge 唔止係 bio，
都會要求你CE , AL 成績
如果你搵其他工，成績都會係好重要
所以建議你讀自己有信心 ge 科