我籌備緊去日本自由行
有好多野想問,不過成個禮拜都搵左好多資料,如地鐵,地區,名勝,特色等,
我想知1)大阪,奈良,京都,神戶,名古屋,
東京如涉谷,上野,中野,秋葉原,新宿,原宿,池袋,銀座,六本木
邊度會有一d 24-hrs的店鋪,e.g.coffee shop or 其他可以聚腳坐低的店鋪等
可否列出店名,地址,最低消費,價錢,通宵有冇額外收費(會唔會跟時間計你錢),
2)假如去日本唔book hotel或民宿等,去上述所講既店鋪過夜,有冇問題呢??
坐到天光會唔會趕人走嫁??
3)我去日本打算去大阪先,跟住去鄰近的地方四圍遊歷,慢慢向東京出發,
所以打算去到成田機場先買機票番香港,有冇問題??
4)日本買野要收稅,要買滿10000yen先可以退??
咁我即係呢度買果度買就冇得退呀??
係既話,要收我幾錢稅??x幾多%??
其實仲有好多問題想問,但問左咁多都覺得好唔好意思,
希望大家可以解答我既疑問,唔該晒..
更新1:
5)我預計會逗留2星期或一個月(最好),凡事都係睇錢份上, disneyland果d不去則免,食方面有地道特色既當然想試下, 既然係地道我諗個range都介乎100-1000yen之間啦,係咪嫁?? 照我逗留既時間,參觀神社,寺院,睇下夜景,行下夜街,買少量手信, 同間中會食下地道野,一日2-3餐,計埋交通費(在區內,大多數會用腳行) 最起碼要幾多錢先夠??
更新2:
6)唔介意既話想搵d嚮日本居住的人的聯絡方法,因為係第一次去日本, 人生路不熟,識幾個嚮日本生活的朋友會比較方便 對日本較熟悉的朋友也可以提供聯絡方法給我嗎?? 萬一真係行錯路,又冇人幫到,有咩方法解困,報警嗎?? 如果遇到一個好心的日本人,問佢拎聯絡電話會唔會俾佢覺得好怪好唔友善??
更新3:
7)有邊本關於日本自由行和日語教學的書比較推薦?? 8 )日本的學校有咩方法可以入去參觀?? (指日本的文法學校如高中等) 大部份學校上學同放學時間大概幾點?? 9)去日本公眾浴場,d行裝可以安全保管??沖一次涼要幾錢左右? 仲有日本係咪流行自動洗衣乾衣機店??用一次又要幾錢呢?? 手機相機想差電，便利店可以嗎？？幾錢到？差到滿定計時間？ 唔好意思..太多問題要分幾次.. 清楚解答我額外送多30分..拜託晒~~
