魚缸底的垃圾或者便便點樣清除呢？？

其實有好多方法都可以清除, 視乎你是清缸還是有沙石底 .
1) 水妖係可以吸入一些便便, 再轉化成硝化細菌去溶解便便.
2) 市面上有一種叫隔屎板, 是放在魚缸底, 好像地板, 有一氣管駁氣喉, 當有氣比時屎就會吸入板底, 但通常板上要有沙或石仔.
3) 換水時有吸管直接抽走便便
4) 其實濾水器已經可以吸走大部份的便便.

Hello, 最簡單的方法就是用個魚網撈起d屎和剩餘的糧, 是多點工夫, 但我覺得魚缸會乾淨d, 每天早晚撈一撈啦,( 要在魚吃後半小時)
吸管我用過, 但每個方法我不大滿意, 因要換水時才清理, 仲污穢不堪呢, 我也不喜歡看到d屎飄來飄去.

屎呢，係人手清理o既。
有幾個常見誤解：
１．清道夫／琵琶／鼠魚食屎
佢地係食苔類或缸底剩底o既糧或死屍，唔係食屎。
２．濾水器吸走哂ｄ屎
萬一條／粒屎飄到埋吸水口，濾水器可以吸到佢入去；但魚屎未必可以飄到埋去。如果係冇沙石o係底，ｄ屎耐左會o係缸底消開，成為粉狀，被水沖起就成缸都好似好濁咁。呢個情況濾水器都冇機會吸到入去－－如果你忍得住ｄ屎放到散開為止。
３．水妖清理魚屎
水妖用氣帶動水流，令魚屎吸住o係舊黑棉度。慢慢硝化菌群落會形成，而佢地會清理到水中廢物。如果氣泵唔停，水妖唔郁，ｄ屎可以一直吸住，咁佢都有被完全消滅o既一日o既．．．可以咁講，其實水妖都算係一個低成本又有效o既濾水器。
４．隔屎板清到屎
其實隔屎板係十幾廿年前常用o既器材，用沙石放o係上面，氣泵帶動水流，將屎流過石隙向板底流，作用係「眼不見為乾淨」。其實所有屎停留哂o係板底，但由於下面冇野俾硝化菌著床，所以菌量少，清理唔到，結果ｄ屎變粉，你就要定時用喉隊入去，用虹吸管抽ｄ屎粉出o黎．．．
圖片參考：http://hk.yimg.com/i/icon/16/59.gif

家陣都冇乜人用架啦，因為現代養魚方法都用生物過濾。
＝　＝　＝　＝　＝　＝　＝　＝　＝　＝　＝　＝　＝　＝
如果你有泥或砂粒做底床，咁屎會跌到落ｄ隙縫度，就算散開都唔會周圍飄，咁你換水時，就要用手／虹吸管o既抽水管揚下ｄ沙底／植物底／木石底，咁就可以吸到ｄ屎粉。濾水器主要用途，係將水中o既氮化物用細菌處理；如果係為左打起ｄ屎粉去吸的話，濾水器ｄ出水口就應該直沖到泥面，沖到打哂風先o岩啦。

2007-07-03 00:26:47 補充：
虹吸管係o係水族店買到，一條直管，一條軟管，中間一個手動泵o個ｄ，個名咁叫，因為佢用左物理學o既虹吸原理o者（即一個水體有相當水壓時，可以用一條有水o既管帶動ｄ水流出o黎，直至水壓不足為止；個泵就係要制造開始虹吸作用o既呢一條水流，而水o既源頭要高於出水處）。呢種泵未用於水族之前係用o黎泵火水架～當時ｄ人用一條普通水管o係水條入滿水，用姆指按住兩頭，一邊放入魚缸，一邊放o係水桶上再放手，就可以抽到水出。所以所謂「虹吸管」，其實係任可水管都得。