倉鼠沖涼粉一問~~

A.我唔了解沖涼粉既成份,但原居沙漠既倉鼠,自己係會用沙漠既沙去自己沖涼
沖涼粉好幼細,能夠在鼠鼠毛下整走鼠鼠既油同污衊

而藥性沖涼粉就有d化學成份,可以同鼠鼠消毒殺菌,但由於係咁所以唔可以成日用,唔係就會令鼠鼠既抵抗力下降,沖得多反而會病

唔好用爽身粉同鼠鼠沖涼,咁係會好易令鼠鼠敏感既
都唔好用水同鼠鼠沖涼,怕鼠鼠有感冒,唔係怕鼠鼠浸死,所以多水少水一樣危險,雖然唔係100%會感冒,但可避免既當然係唔好咁做啦

B.我就覺得唔會好傷人既皮膚,同鼠鼠沖涼,最多都係一星期兩次,唔太熱一次就得,一次沖涼都只係數分鐘既事,我相信咁少既接觸,並唔會有咩問題

我都覺得同鼠鼠沖涼時,會吸入D粉,只好小心D,唔好同時開風扇,慢慢倒D粉,咁就可以減少吸入既問題

我有鼻敏感,都有皮膚敏感,養左鼠都十幾年,都冇咩問題,所以唔洗太擔心

C.另附上沖涼既資料,希望對你有幫助
同鼠鼠沖涼既步驟:
1) 要將鼠鼠放去第個盆or籠度,我就用養龜仔之類既小缸同鼠鼠沖涼既.
2)將沖涼粉灑落鼠鼠身上,避免將粉整到落鼠鼠既眼耳口鼻.可以用手整少少粉鼠鼠既頭頂,再同佢掃下.
3)用手掃下鼠鼠身上既沖涼粉or由得鼠鼠自己整走都ok.
4)再將鼠鼠整左落唻既粉整多2-3次落鼠鼠身上(用未用過既都可以)
5)沖完涼將鼠鼠身上既粉掃走,咁就可以放返鼠鼠入籠啦.

同鼠鼠沖涼,要留意以下幾點:
1)要用沖涼粉,唔可以用水,唔係好易令鼠鼠感冒既.
2)唔可以日日沖,一星期沖一次,最多兩次就ok啦,成日沖涼會令鼠鼠抵抗力下降既.
3)盡量避免沖涼粉整到鼠鼠既眼耳口鼻

果d 沖涼粉同我地人用的爽身粉差唔多~
人體接觸得多d 皮膚都唔會有太大問題的~