不知所謂的經理~乜心理??????

哥仔，唔駛慶，我可以用實際既經驗話你聽，好多公司都有呢種人，係真既！
佢之所以咁做，有幾個原因：
1) 分化你地，佢可以容易控制
2) 管理學上，有一種叫‘Conflict Management’，斗紛管理（Sorry，唔識寫呢個中文），目的係想你地互相鬨爭，而帶出來最高既結果，因為想你地為自己利益而爭出好結果，再選擇個最好既結果！相對地，以前可能係用利益引誘你地，但而家已經變到因為要你地為（生存），而帶出最大既結果！
3) 可能得罪佢
4) 自保，公司壓落去，佢又無計，但又管唔到你地，就分化你地，要人制祺。因為佢自己都好驚，你諗下，佢又唔係老細，你覺得，佢係咪真係可以做決定果個？
而家既公司，已經無哂真正團結工作精神架啦，個個人人自危，話就話個市好返，但實則比你見到，用到，而又可以量度到既，真係有幾多呢？無計，忍住啦，除非自己做老細，不過我可以話你聽，到你自己做老細，你一樣要受氣，原因係，你做生意，除非唔做，否則都一樣要受客氣。個客有壓力，咪發係你身上囉，老細有壓力，就壓上經理上，經理有壓力，就壓上員工上！
香港而家，已經變哂啦，個個人個心態都有的唔平衡，工作個個有壓力，唉，捱得到落去既，就頂住先啦，得閒搵的運動減壓，多的同朋友傾下，會好的架！

咁似我以前個老細.
無料, 疑心大. 攪分化係因為怕下面d同事夾埋同佢作對, 做錯事梗係死都唔認啦, 上頭一問乜都賴晒下屬; 既然要保護自己, 點會同你講道理, 乜都係你錯o架啦, 我以前個老細仲頂癮, 明明係佢叫人做的, 唔記得o左仲罵你點解自把自為!
一係你就忍, 忍唔到咪好似我咁揾過第二份工囉!

就係因為佢咩都唔識，驚你地會坐他個位，
所以就想分化你地，等你地得一個人團結唔起，
就唔會一齊害佢、搶佢位。
至於捎權道理一樣，驚你地權太高會有機會害佢，
如果權力低就做唔到D麥野，又怕你地會比佢上司嘗識，
會抄佢黎升你地。

這種人百分百冇料到，一般見識，可以不理。