想泰好玩先生介紹泰國酒店及計劃行程

11月已經進入泰國的旅遊旺季, 所以酒店價錢亦比較貴, 我近來經常推介的Plaza Athenee酒店, 其住兩天送一天的優惠亦只到9月30日, 所以目前不知該推介甚麼店, 如果大家都冇個特價的情況下, 又想同小朋友悠閒地玩的話, 最好住一些比較有渡假感覺的酒店, 但因為唔知你的預算係幾多,一所以只能以我的個人喜好作推介:
Marriott Resort and spa hotel: 位於河的對面, 園林及泳池幾乎是曼谷最靚的, 價錢在五星級酒店中算是比較平, 有兒童嬉水池, 有室外的溫水按摩池, 有兒童遊樂室, 有專門的媬母照顧兒童(要先留下聯絡方法), 有接駁船到BTS, 小朋友在船上會感到開心, 是一間完全relax的酒店, 酒店門口有一個小小的商場, 與酒店相通, 父母可以把小朋友交給酒店的媬母後, 在門口的商場行下, 但不要去太遠。門口的商場有多家著門的食店, 其中The Pizza company 是我兒子比較喜歡的, 亦有我太太喜歡的Boots。酒店附近有多間河邊餐廳, 可以一邊坐在河邊欣賞河景看日落, 一邊吃晚餐, 但要準備蚊貼。
行程方面, 你十一月才去, 可能中間你的變化會很大, 所以我大約提供一些建議:
1. 抽半天留在酒店內活動, 與小孩嬉水, 小孩到兒童室, 在酒店的園林拍照等
2. 到JJ Market(星期六, 日), 在JJ Market北部的入口對面, 有一個Children Science Mesuem, 適合3--10歲小朋友, 保証你的兒子不願走。你可以兩個大人輪流照顧孩子, 另一個出去JJ Market行(大型的跳蚤市場)
3.其中一天到四面彿一帶, 其中Big-C的四樓有個小型的遊樂場, 可以讓孩子玩2--3小時左右, 兩個大人就可以輪流行下商場。Big-C對面的Central World, 亦有一間玩具反斗城及間玩具店, 亦適合小童。
4. 或其中一天參加local tour , 去Safari world, 是開放式的野生動物園, 又有6場表演睇, 都算值得一去, 至於參加local tour , 煩請看我其他post
訂酒店可找:
www.suntravel.com.hk
www.thailandhotel.com.hk
www.asiarooms.com
希望幫到你。