八月份去台北自由行

package大約要$2500/人，已是暑假的好價了。我覺得在「美麗華」book最實惠，你可以去旺角銀行中心三、四樓，有大量有實力的旅行社，你可以去問下。
至於行程，因為有大有小，都係去d簡單地方好啦！
1. 中午到，可以去淡水、之後去士林夜市
2. 捷運去「忠孝復興站」，再轉巴士去九份，比坐火車去瑞芳再轉巴士方便。回程時才坐巴士去瑞芳火車站轉火車去松山站，松山站旁有個「五分埔」行下街買衫的，之後再去旁邊的饒河街夜市。
3. 捷運去「市政府站」有好多大商場，如果當日是假日，還會有街頭表演，另外，可以同小朋友去最大的誠品，6層樓高，其中一層全部都是以小朋友為主題的書，可以同小朋友一齊分享書本，增加閱讀興趣。
如果行完之後都仲係好早，你可以一齊去北投浸溫泉，唔浸都可以去參觀北投溫泉博物館、另外有個原住民博物館都好好睇的，但要注意時間，因為五點左右就休息的了。
夜晚可以去西門町行街，要買手信，都係這個時候了。
4. 早上去忠烈寺睇亞兵哥操兵，之後再去「故宮博物院」。