長隆水上樂園，長隆歡樂世界，長隆大馬戲團!!!急

1)返香港可以坐返地鐵再轉番火車丫！
係香港有直通車包來回的, 如永東巴士, 平日$80一程,假日$100一程~香港多個地點上車落車！
又或者去中旅社買來回車票or蓮花港船票...價錢同永東一樣！
之但係...買包酒店+來回既車/船會抵d！稍後再講~~~

2)你的行程主要是水上樂園+歡樂世界+大馬戲！故我建議住番長隆酒店or番禺祈福酒店！長隆酒店:五星...比祈福酒店貴差不多一倍，但勁近3個樂園！而祈福酒店4星...平d....但離樂園遠d....大約20-30分鐘車程！我住過, 都幾滿意！比美五星級！

3)+4)
我剛剛係6月中跟5位朋友去了兩日一夜的長隆之旅呀！
但有感兩日一夜時間唔係咁夠！
因為睇完大馬戲都好夜...如果想搭來回直通車走人就會趕唔切, 因直通車通常回程時間是6點最後一班~~
而如果水上樂園第二天先去玩既話...就可以趕得切搭直通車....
但因為水上樂園既更衣室沖涼的地方好open的...無遮無擋...又無熱水！人一多就好臭...相信熱天時情況會更惡劣！所以....我地都係係咁易洗下頭...著住件泳衣黎沖涼...總之諗起都搞笑...
因此我地覺得如果可以住多天...番酒店沖涼會好d！
不過，你唔驚比人睇....咁都無所謂既！

我們既所有票都是在中旅社買的！比你作參巧~~我地已經就不同方案同package格過價, 覺得我們咁買都算化算！希望幫到你！但你都可以自己去中旅社問一問~因可能酒店房係summer time貴少少！

我們當時買的package如下:
package：祈福酒店"超值六月"雙人套票+船票----$888@兩位x3
includes: 3間高級雙人房(2 double bed, 1 twin bed )+ 九龍來回蓮花港船票6張+早餐6位+晚餐6位

門票：
歡樂世界+大馬戲連票=$210@person
水上樂園=$130@person

總價錢：package$888x3+$210x6+$130x6=$4704
每人：$4704/6=$784

other reference---
麗江明珠酒店:(近長隆只需十五分鐘免費車程, 但冇由香港直接到呢間酒店的車)
package：hotel(包早餐)+馬戲=$561

長隆酒店:
酒店+早餐+歡樂世界門票=$1241

中旅社賣既門票價目:
歡樂世界, 平日@$145, 假日@$155
大馬戲@$105(不分平日假日)
歡樂世界+大馬戲連票, 平日@200, 假日@210 (連票意思是歡樂世界同大馬戲要同一日玩！, 玩完歡樂世界唔可以離開....否則大馬戲要再買過飛, 但平多五十蚊！)
水上樂園@130 (不分平日假日),(比去到買平十至蚊)
直通來回車, 平日@160, 假日@200

建議行程:
第一天...搭最早船or車去長隆歡樂世界...直到睇大馬戲
第二天...水上樂園....夜晚去食自助餐
第三天先走

至於帶幾多錢...每人五百蚊人民弊夠了~食野好平...
但水上樂園locker要按金$30同租金$15一個, 入面既水泡每個都要按金同租金預共70蚊！酒店按金$200(可用香港既信用卡)
如果住祈福酒店...搭的士去都係幾十蚊！

6)如果你有興趣...我手頭上有6張歡樂世界+大馬戲連票....限期到7月25日。
因為我們去那天第一天遇到少少阻滯以致決定唔入去玩...諗住再約時間再入去玩....但因為我們夾唔到時間...
我地都諗住那二百蚊由佢...諗住睇下邊個要d飛, 而我們的朋友們同我們一樣約唔到人去玩, 所以呢幾張飛就黎變廢紙...但希望可以平平地賣比人...
大約$100-120一張~
如果你有興趣可以email比我啊！你可以放心...我地係中旅社買的！可影相比你睇！
由於快到期...如有興趣要盡快覆我啊！希望可以幫你同朋友慳番少少！

ps.水上樂園真係超好玩！尤其是大喇叭...所有滑道都超激！
強烈建議去玩呀！而水質都唔太差...可能係因為剛剛開！星期六日開到夜晚9點架！包你玩得晒！
所以兩日一夜,時間唔太夠lor！除非自己識搭番夜車回港！

ref.
http://www.eebus.com/On%20line%20Booking.asp 永東直巴管理有限公司
http://www.ctshk.com/newwindow/menquan/menquan.htm 中國旅行社

1) 有直通巴士在長隆回香港

2) 一天行程太急, 看完馬戲後才吃自助餐??? , 會好晚
長隆大馬戲團到四海一家要坐 taxi , 不是好遠 around 10 mins
四海一家要坐 taxi 是好難你可以問問服務員 call taxi 電話
四海一家 坐 taxi 到沙面 (如晚上不塞車 around 1.20 hrs)
3) -4) 要視你喜愛 長隆水上樂園都可以玩一天

5) 長隆附近是無野買
6) 門票可以當天買, 住係訂先好, 自助餐不知...不過地方都好大, 如免白去可以打電話問一下


要注意廣州不是香港晚上的公車尾班約10:30 pm
看完馬戲是有公車到廣州市區, 如你不是住番禺最好都不如在四海一家吃自助餐

2007-07-04 02:37:35 補充：
如你不是住番禺最好都不好在四海一家吃自助餐 , 時間不充你有否考慮在長隆住,如你的行程只是長隆水上樂園，長隆歡樂世界，長隆大馬戲團,四海一家會比較方便