為甚麼倉鼠不可以用水洗?

唔俾鼠用水沖涼,係怕鼠鼠有感冒,唔係怕鼠鼠浸死,所以多水少水一樣危險,唔好用水同鼠鼠沖涼,要用沖涼粉
雖然唔係100%會感冒,但可避免既當然係唔好咁做啦
我第一次養鼠時,家人教我用水同鼠鼠沖涼,細個咩都唔識,同隻鼠咁沖,之後隻鼠就死左了

同鼠鼠沖涼既步驟:
1) 要將鼠鼠放去第個盆or籠度,我就用養龜仔之類既小缸同鼠鼠沖涼既.
2)將沖涼粉灑落鼠鼠身上,避免將粉整到落鼠鼠既眼耳口鼻.可以用手整少少粉鼠鼠既頭頂,再同佢掃下.
3)用手掃下鼠鼠身上既沖涼粉or由得鼠鼠自己整走都ok.
4)再將鼠鼠整左落唻既粉整多2-3次落鼠鼠身上(用未用過既都可以)
5)沖完涼將鼠鼠身上既粉掃走,咁就可以放返鼠鼠入籠啦.

同鼠鼠沖涼,要留意以下幾點:
1)要用沖涼粉,唔可以用水,唔係好易令鼠鼠感冒既.
2)唔可以日日沖,一星期沖一次,最多兩次就ok啦,成日沖涼會令鼠鼠抵抗力下降既.
3)盡量避免沖涼粉整到鼠鼠既眼耳口鼻

2007-07-02 16:28:10 補充：
仲有,原居沙漠既倉鼠,根本較難會接觸到好多水,佢地都係用沙自己沖涼既

2007-07-02 16:39:22 補充：
咁下次記得唔好再用水同鼠鼠沖涼啦...睇多d同鼠鼠有關既野先好再養,咁就唔洗傷心啦希望你快d冇事啦

我有朋友養鼠鼠一路都未用過粉ga wo..佢次次都係塞住個洗手盆同佢沖涼, 不過就真係會好小心, 會印乾d d 水, 冬天會用風筒吹亁~~而我都係用沖涼粉的, 事關用水太麻煩了~~