✔ 最佳答案
兩個月大既鼠已經戒奶(正常係18-21日已經戒奶分籠),應該要同鼠媽媽分開,算係一隻成鼠了
完全唔食野其實係好嚴重,因為鼠鼠身體細小,所以唔食1,2日野已經可能會血糖過低,加上鼠鼠咁為食,多數因為病先唔食野
你話佢唔食野,其實好多原因,有以下可能:
1)有食你唔覺
因為鼠鼠係夜晚活動日頭訓覺,所以可能佢食野時你唔知
加上夏天鼠鼠會食少左野,有時唔係咁易會察覺到,你可以放特定既份量去食物盆,都放少量去轉輪度,一來知道佢會唔會在你訓時食左野,二來知道佢有冇活動
2)未同鼠媽媽分籠or有第隻鼠一齊住
鼠鼠可以獨立時,鼠媽媽就唔會再照顧bb,如果bb冇同鼠媽媽分開,鼠媽媽就可能會同bb打交,會蝦bb,咁就可能令bb受驚,從而唔食野or被蝦冇得食
又或有第隻鼠同佢一齊住,同樣地有打交既情況,就好易令鼠鼠受驚,咁都會唔食野既(倉鼠係獨居動物,所以都係一隻住較好)
3)遺傳病
咁細既鼠可能會有d先天性既病,咁佢唔舒服就易唔食野了
遺傳病有好多,詳細可到我回答既知識度睇下:
http://hk.knowledge.yahoo.com/question/?qid=7007061602321
4)一般疾病
好多病都會令鼠鼠唔食野,要睇返鼠鼠有冇其他問題
要留意鼠鼠既身體同排泄物有冇異常,睇下佢會唔會有咩唔舒服,再對症處理
5)牙齒過長
要留意佢牙齒會唔會過長,有冇流口水,合唔埋口咁,牙齒過長就需要剪牙,如果唔係會插穿鼠鼠既口而死
你可以買d磨牙石俾鼠鼠磨牙,如果你隻鼠唔咬磨牙石,就可以買一d木制玩具俾佢咬,又或可以試下鹽磚.
鼠鼠係一定一定要磨牙,用咩野俾鼠鼠磨牙都可以,但一定要夠硬,夠衛生,夠安全,唔會甩色,即係唔會整傷鼠鼠,唔會好尖,又唔會係膠,所以木制同專俾鼠鼠用既磨牙用品係最好既.
專整俾鼠鼠咬既磨牙石or木係針對鼠鼠磨牙問題而設,所以我覺得係比較好既.都可以買鹽璣OR較硬既食物棒(一支木,外面有食物包住)俾鼠鼠咬
2007-07-03 00:46:10 補充：
就算食物唔鍾意食,在冇得選擇既情況下,鼠鼠身體冇問題都會食的我就唔建議特地去買一d迎合鼠鼠口味既食物,因為瓜子花生等都係好肥既食物,咁樣俾鼠鼠食會令鼠鼠肥胖,肥胖係好易引進疾病,所以我覺得最好買一d混合既主糧俾鼠鼠食,到差不多食晒先再同佢添食物,咁鼠鼠就冇得咁偏食
