我d紅劍有白點!!!

白點其實係一ｄ纖毛蟲鑽入魚o既皮層，o係裏面繁殖，形成一粒裝滿纖毛蟲o既顆粒，呢個就係肉眼見到o既白點。白點成熟後會脫落，纖毛蟲就o係水同泥度，等機會再上魚身，搵宿主再繁殖。由於成缸都係，所以隔壁未必得。
用藥有療效，亦唔駛用到黃粉，因為黃粉比較霸道；但用藥會令硝化細菌受影響，我個人唔主張用化學藥品。
治理白點最簡單o既方法係用粗鹽開水加入缸（精鹽提鍊過比較多化學野），濃度唔好多過0.5%（如缸水水量有100L，鹽o既份量就要50 ml=50 cc），用意係用水o既滲透壓令呢ｄ低等生物脫水快速死亡，再加溫度到約29-30C，令白點快速成熟，其間可增加打氧氣（因為水溫高溶氧量會降）。三日換一次水，主力吸泥面，減少脫落o既纖毛蟲數量，但加新水後要加鹽以保持濃度。
留意如果加鹽水後魚浮頭喘氣，可能係太多鹽（計錯數），咁就要馬上換水一半。療程一個星期，幾日其實已經可以見到好轉。如果未斷尾，就再做一個星期。
呢個做法好處係平！亦對硝化系統影響細。我開缸至今，用呢個方法兩次，都輕易搞掂，未試過用藥。平時見到魚身出現一個懷疑白點，稍為加鹽（不足0.5%），第二日已經無事。

如果你剛剛發現有白點, 又只有幾點的話, 我提意你可以撈起條魚, 用棉花枝輕輕張白點抹走. 之後再落些粗鹽殺菌. 但如果太多白點已生滿全身的話, 那就要落多些粗鹽看看有無好轉. 如情況依然, 可以買一種魚用的藍藥水去醫都會有幫助.

唔可以用粗黃鹽,亦不可以用食鹽,餐桌鹽也不能。這些都多經人工,要用,就要用粗鹽,較少經人工,比較天然。
你最好用藥吧!10至20元,唔會好貴。有說明你看。

落食鹽唔得,落粗黃鹽唔得