有無人買左 nikon p5000 相機呀？入嚟睇睇幫幫手

我都係P5000用家(行貨), 試試回答:

Transfer marking 即係"傳送標記", 亦即係mark低邊d相會send去電腦度. default係All On(全部開啟), 即係全部相連線後都會傳到電腦. 你又選擇Select Image(s), 然後逐張相用上下按鍵選擇send定唔send(有個黃色小剔號就係send), 最後All Off當然係選擇全部唔send(即係一次過刪除全部相的 黃色小剔號)

P5000係一部半專業(Prosumer)級數的機, PSAM即係你可以選唔同程度的快門光圈調控. 簡單來講:

P: 程式自動, 相機幫你搞掂晒光圈快門, 與全自動(綠區)的差異在有比較多的手動選項, 如閃光燈開啟與否及加減光等等. 但因為每個情況下每幅相都有多個一個可能的拍法, 相機幫你揀的, 未必係你想要的效果.

S: 快門先決, 你調較快門, 相機幫你調光圈, 前提是得在適當的曝光組合內. 如果張相太光或太暗, 相機會提你重新選一個快門. 如果你夾硬要影, 可能只會得出一幅過曝或者under的相, 甚至只係會得到一張全白或全黑的相.

A: 光圈先決, 你較光圈, 相機幫你調快門, 前提同樣係要在適當曝光組合內. 如果張相太光或太暗, 相機會提你重新選一個快門.

M: 全手動曝光, 即係快門同光圈都係你話事, 不過相機會有提示給你(mon下方有條bar, 如果黃色部分在右邊-->張相會太暗; 如果黃色部分在左邊-->張相會太光)


至於影人像, 你講你情況通常係因為將景深調至最淺(即係唔同遠近距離中只有一小段會清晰對焦, 其他地方會因為失焦而變矇. 通常做法係用光圈先決模式, 將光圈放到最大(下方有F字果個數值, 數字越小光圈越大, P5000最大光圈係2.7, 不過如果鏡頭zoom埋左, 光圈就唔可以咁大). 然後將對焦點鎖在人臉上, 咁個背境會相對上變得好矇 (不過人同背景要有一定距離, 要人近景遠.)

我估你都係初初學影相. 玩manual機其實唔可以一下子講得晒, 努力慢慢摸索吧!