倉鼠隻腳有問題，請幫忙解答﹗

我以前有隻鼠都係你講既咁,不過就在肚中間心,當時醫生話係腫瘤唻
不過內傷都會有機會有類似既樣,特別你話係腳呢d位置,內傷未必會令佢行路有問題,要睇下傷得重唔重先知

腫瘤同內傷都可以致命,但都要睇下醫生先了解到
腫瘤有分良性惡性,但都一樣對鼠鼠唔好,惡性腫瘤會致命既.就算良性,吸左隻鼠既營養,都會引起其他問題.初期有腫瘤可能隻鼠其他生活習慣都唔會有咩影響,但唔好因為咁而輕視呀.
內傷初時都可能會冇咩事咁,但我有隻鼠咁樣,整到之後仲好生猛,之後忽然就噴血而死

照你所講就有呢兩個可能,其實兩個可能都要睇醫生先處理到
呢兩樣情況都需要較多儀器,可以到大圍度睇:
最出名醫鼠既係呢間,但就較貴:
大圍珍禽異獸及寵物醫院 DR.TIGER
Tel: 2687 1030 地址:大圍積信街75號地下
http://www.taiwaiexotic.com/
平d可以睇愛護動物協會,但做手術既話,都可以會叫你睇大圍,因為設備不足.
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

睇醫生可能要book or如果未即時去到既話,可以做住以下既野先:
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好)
2)整走個轉輪
3)檢查下個籠有冇咩會整親鼠鼠,特別係地板,樓梯,轉輪等有空隙既地方,呢D都係好易卡到鼠鼠隻腳
如果有既話,將籠既空隙問題除去,可以先用膠file整上去先,最好緊係盡快買過個籠,一勞永逸,咁既籠真係好危險
4)保持環境乾爽清潔,避免有更多細菌再令鼠鼠受感染
5)唔好俾風直接吹到鼠鼠,要鼠鼠保持溫暖
6)俾一d有營養既野佢食.可以試下俾d麥片or白麵包佢(得呢兩類人既食物我會俾鼠鼠食,仲係有病先會俾)
7)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既.

你可以帶佢去睇獸醫,因為我家姐個同學都係一樣,獸醫會同你講返隻倉鼠點解會咁既

我估係瘡或者瘤呀~要睇醫生呀!!!