流浮山附近有冇咩露營地點..?

由流浮山到白泥一帶，是沒有露營地點的，因為這一帶不是政府管理的郊野公園，就沒有供露營人士而設的露營設施如草地、廁所、水源、燒炸爐等設施，通通沒有！而且附近是民居，亦不適合露營活動。你如果到白泥，見到草地就紮營，就要攪清楚先，就算警察唔拉你，附近的村民都會趕你走，因為好多無人耕種的草地或荒田，都是有業主的，雖然是荒廢了，但並不等於可以讓人胡亂闖入佔用，所以就唔好亂來，村民客氣就請你走，唔客氣就銼頭掃把招呼你，之後還可以告你非法闖入私人地方！
白泥睇日落，如果你有車就最方便，駕車入白泥，沿車路搵個好位停車就睇得，位置睇下地圖先：

圖片參考：http://www.waying.edu.hk/wyl/hiking/route/980450g8.gif

甚至漫步沙灘，一路行一路睇，幾咁寫意呀：

圖片參考：http://www.waying.edu.hk/wyl/hiking/route/980450g7.jpg

睇完就駕車走人，無牽無掛！
如果無車的話，就可以搭小巴入白泥，係元朗泰豐街有33及35號專線小巴，都是可以到白泥的，兩條小巴線白泥開出最夜到晚上9時30分，就可以睇完日落再慢慢搭小巴走人，放假嘛，當然是慢慢來啦！